Մեկնարկել է «Քովո Իրան Բարաքաթ» իրանական պատվաստանյութի զանգվածային արտադրությունը
Մայիս 11, 2021 07:32 Asia/Tehran
Իրանի ռադիոհեռուստատեսության լրատվական գործակալության հաղորդման համաձայն, երեքշաբթի օրը, Ալբորզ նահանգում, լուսահոգի Իմամ Խոմեյնու հրամանների գործադրման շտաբի պատվաստանյութի արտադրության գործարանում, Իրանի առողջապահության նախարար Սաիդ Նամաքիի ներկայությամբ, կայացել է «Քովո Իրան Բարաքաթ» իրանական պատվաստանյութի շնորհանդեսը:
«Քովո Իրան Բարաքաթ» իրանական պատվաստանյութի արտադրման նախագծի գործադիր տնօրեն՝ Սեյեդ Ռեզա Մազհարին ասել է.«Ունենալու ենք արտադրական երկու հոսքագիծ, որոնցից առաջինը պատրաստ է, իսկ երկրորդն ընթացքում է»:
Նա նշել է, որ այս երկու հոսքագծերի շահագործմամբ, մինչև 2021թ. սեպտեմբերի 22-ը ամսական հնարավոր է լինելու 20 միլիոն դոզա պատվաստանյութ արտադրել: