Ղալիբաֆ. ՄԱԳԱՏԷ-ն Իրանի միջուկային օբյեկտների պատկերներին հասանելիության իրավունք չունի
Իրանի իսլամական խորհրդարանի նախագահն ասել է.«ՄԱԳԱՏԷ-ն Իրանի միջուկային օբյեկտների պատկերներին հասանելիության իրավունք չունի»:
Կիրակի օրը, խորհրդարանի դռնբաց նիստում, Իրանի իսլամական խորհրդարանի նախագահ Մոհամմադ Բաղեր Ղալիբաֆն ասել է.«Իրանի ու ՄԱԳԱՏԷ-ի միջև համաձայնության եռամսյա շրջանն ավարտվելով, այդ կառույցը մայիսի 22-ից, Իրանի միջուկային օբյեկտների պատկերներին հասանելիության իրավունք չունի»:
Այդ հիմամբ, Իրանի իսլամական խորհրդարանի վավերացրած օրենքի համաձայն, ՄԱԳԱՏԷ-ին չի թույլատրվում միջուկային համաձայնության լրացուցիչ արձանագրության սահմաններից դուրս դիտարկումներ իրականացնել:
2018թ. մայիսի 8-ին, ՀԳՀԾ-ի միջուկային համաձայնությունից դուրս գալու ԱՄՆ-ի ապօրինի քայլից հետո, Իրանը փորձեց մյուս կողմերի հանձնառության դեպքում, իրագործել իր պարտավորթությունները: Սակայն եվրոպացիները գործնական քայլ չկատարեցին իրենց հանձնառությունների կատարման ուղղությամբ: Հետևաբար 2021թ. փետրվարի 23-ից, ԻԻՀ-ը «Իրանի ժողովրդի իրավունքները պաշտպանելու ռազմավարական քայլ» օրենքի շրջանակում դադարեցրեց ՀԳՀԾ-ի շրջանակում կամավոր քայլերի իրագործումը:
