Ամիր Աբդոլլահյան Վիեննայի բանակցությունները պետք է շոշափելի ձեռքբերում ունենան Իրանի ժողովրդի համար
Իրանի ԱԳ նախարարը հայտարարել է. «13 -րդ կառավարությունը կարծում է, որ Վիեննայի բանակցությունները պետք է շոշափելի ձեռքբերում ունենան իր ժողովրդի համար, և ոչ ոք չի ընդունի մի գործընթաց, որը լինի պարզապես ժամանակի կորուստ»:
Երկուշաբթի օրն Իրանի ռադիոհեռոըւստատեսության երկրորդ ալիքի լրատվական հաղորդման ժամանակ, Հոսեյն Ամիր Աբդոլլահյանն ասել է. «Իրանի խորհրդարանն ու կառավարությունը ձգտում են բանակցություններում լիարժեք ապահովել իրանցիների իրավունքները: Մենք հույս ունենք, որ Վիեննայի բանակցությունները կընթանան բանականության և տրամաբանության հիման վրա»:
Նա հավելել է. «Ամերիկացիների առաջին սխալը կայանում է Իրանի ժողովրդի դեմ սպառնալիքի բառապաշարի կիրառման մեջ: Նրանք պետք է քաղաքավարությամբ վերաբերվեն Իրանի ժողովրդին»:
Ամիր Աբդոլլահյանի խոսքով. «Իրանի Իսլամական Հանրապետությունը ողջունում է ցանկացած բանակցություն, որը հիմնված կլինի տրամաբանության վրա»:
«Բանակցությունները դիվանագիտության գործիքներից մեկն են, և մենք ակնկալում ենք, որ մյուս կողմը ժամանակ չի կորցնի, քանի որ ոչ ոք դա չի ընդունի»,- ասել է նա:
