Ղարիբաբադի. ՄԱԳԱՏԷ-ն պետք է պահպանի իր չեզոքությունն ու պրոֆեսիոնալիզմը
Վիեննայում տեղակայված միջազգային կազմակերպություններում Իրանի դեսպան և մշտական ներկայացուցիչն արձագանքելով ՄԱԳԱՏԷ-իգլխավոր տնօրենի հրապարակած զեկույցին, հայտարարեց, որ կազմակերպությունը պետք է պահպանի իր չեզոքությունն ու պրոֆեսիոնալիզմը:
Երեքշաբթի օրը, լրագրողների հետ ճեպազրույցում, Քազեմ Ղարիբաբադին ասել է. «Իրանի միջուկային գործունեությունը, ներառյալ՝ տարբեր մակարդակներում ուրանի հարստացումը և մետաղական ուրանի արտադրությունը, իրականացվում են Միջուկայինզ ենքի չտարածման պայմանագրով Իրանի իրավունքների շրջանակներում և երաշխիքային պարտավորություններին համապատասխան»:
Նա հավելել է. «Քանի որ միջուկային համաձայնության մյուս կողմերը չեն կատարել պատժամիջոցների վերացման կապակցությամբ իրենց ստանձնած պարտավորությունները և ԱՄՆ -ի անօրինական և միակողմանի պատժամիջոցների քաղաքականությունը շարունակվում է, ոչ ոք չի կարող Իրանին խնդրել դադարեցնել համաձայնագրի շրջանակներում իրականացվող իր միջուկային գործունեությունը»:
Ղարիբաբադին քննադատել է երաշխիքային պայամանագրից դուրս տվյալների գրանցման վերաբերյալ ԱԳԱՏԷ-ի գլխավոր տնօրենի անդրադարձը, նշելով. «Ըստ ՄԱԳԱՏԷ-ի հետ ձեռք բերված համաձայնության, այդ գործողության համար նախատեսվել է երեք ամիս: Համաձայնությունը կնքվել է զուտ քաղաքական հիմքերով և որևէ իրավունք չի վերապահում ՄԱԳԱՏԷ-ին ու ոչ էլ պարտավորություն սահմանում Իրանի համար»:
Երեքշաբթի օրը ԶԼՄ-ները հաղորդեցին, որ Ատոմային էներգիայի միջազգային գործակալության գլխավոր տնօրեն Ռաֆայել Գրոսսին, ՀԳՀԾ-ի ու երաշխքիային գործողությունների վերաբերյալ իր զեկույցում հայտարարել է, որ Իրանի միջուկային օբյեկտներում գործակալության ստուգումները կտրուկ նվազել են:
