Իրան-Հայաստան պալատի անունից դեսպան Թումանյանին շնորհակալագիր է հանձնվել
ԻԻՀ-ում ՀՀ դեսպան Արտաշես Թումանյանի դիվանագիտական առաքելության ավարտի կապակցությամբ «Իրանահայ հասարակական միությունում» /Հայ ակումբում/ Հայաստան-Իրան առևտրի պալատը կազմակերպել էր հրաժեշտի միջոցառում:
Միջոցառմանը մասնակցում էին Թեհրանի հայոց թեմի առաջնորդ Գերաշնորհ Տեր Սեպուհ Արքեպիսկոպոս Սարգսյանը, բազմաթիվ իրանահայ գործարարներ, համայնքային մարմինների ներկայացուցիչներ:
Իրան-Հայաստան պալատի անունից Պալատի նախագահ Հերվիկ Յարիջանյանը շնորհակալագիր է հանձնել դեսպան Թումանյանին: Երեկոյի ընթացքում ՀՀ դեսպան Թումանյանի և դեսպանության հասցեին հնչել են բազմաթիվ շնորհակալական ելույթներ:
Միջոցառման ավարտին դեսպան Թումանյանը երախտագիտություն է հայտնել Իրան-Հայաստան առևտրի պալատի նախագահ Հ. Յարիջանյանին և անդամներին, իրանահայ գործարարներին` ՀՀ դեսպանության հետ համագործակցելու և մշտապես աջակցելու համար:
1lurer.am
