Իրանը մարդասիրական օգնություն է ուղարկել Աֆղանստանի ժողովրդին
Աֆղանստանցիներին ուղղված Իրանի մարդասիրական օգնությունների 11-րդ բեռնվածքը հասել է Աֆղանստանի արևմտյան Հերաթ վիլայեթ:
Աֆղանստանի ձայնը գործակալության հաղորդմամբ, Իրանը շարունակում է Աֆղանստանի ժողովրդին ուղղված իր մարդասիրական օգնությունները և երկուշաբթի օրը օգնությունների 11-րդ բեռնվածքը, ներառյալ տասնյակ տոննա սնունդ ու հագուստ, Իրանի Խորասան Ռազավի նահանգի և Աֆղանստանի Հերաթ վիլայեթի սահմանային զրո կետում հանձնվել է թալիբների ժամանակավոր կառավարության պատասխանատուներին:
Անցյալ երկու ամիսների ընթացքում սա Իրանի կողմից Աֆղանստանի ժողովրդին հանձնված մարդասիրական օգնությունների 11-րդ բեռնվածքն է:
Աֆղանստանի նախորդ կառավարության անկումից ու թալիբների հաստատումից հետո Աֆղանստանը բախվել է տնտեսական ճգնաժամի ու մարդկային ողբերգության հետ և միջազգային կազմակերպությունների գնահատմամբ, ներկա դրությամբ, այս երկրում ավելի քան 22 մլն. մարդ սննդի կարիք ունի և աղքատությունը, սովն ու ցուրտը սպառնում են նրանց կյանքին:
