Կոնգրեսի նախկին ներկայացուցիչ․ Թրամփը պետք է ներողություն խնդրի Մինաբի երեխաների ծնողներից
ԱՄՆ Ներկայացուցիչների պալատի նախկին անդամը, քննադատելով Թրամփի վարչակազմի պատերազմատենչ քաղաքականությունը, հայտարարել է․ «Նա պետք է ներողություն խնդրի այն երեխաների ծնողներից, որոնց վրա Իրանի Մինաբ քաղաքի դպրոցում ռումբեր են նետվել»։
Հղում անելով IRIB-ին՝ Pars Today-ը հաղորդում է, որ ԱՄՆ Կոնգրեսի նախկին հանրապետական անդամ Մարջորի Թեյլոր Գրինը կիրակի երեկոյան ամերիկյան PBS հեռուստաընկերությանը տված հարցազրույցում ասել է․ «Դոնալդ Թրամփը պետք է ներողություն խնդրի ամերիկացիներից՝ իր նախընտրական խոստումներին դավաճանելու համար»։
Աշխարհի առաջատար լրատվամիջոցների մեծ մասը Իրանի հարավում գտնվող Մինաբ քաղաքի դպրոցի դեմ ԱՄՆ-ի հարձակումը որակել է որպես «ամենամահաբեր» հարձակումը խաղաղ բնակիչների դեմ, որն ԱՄՆ-ն իրականացրել է 1991 թվականի Ծոցի պատերազմից ի վեր։
Իրանի հարավում՝ Մինաբ քաղաքում գտնվող «Շաջարե Թայեբե» դպրոցի վրա ԱՄՆ-ի հարձակման հետևանքով ավելի քան 160 աշակերտ է զոհվել, իսկ բազմաթիվ այլ աշակերտներ վիրավորվել են։