ԻԻՀ ԱԳՆ խոսնակը դատապարտել է Համբուրգում Իրանի հյուպատոսության վրա կատարված հարձակումը
Իրանի ԱԳՆ խոսնակը դատապարտել է Համբուրգում ԻԻՀ գլխավոր հյուպատոսության վրա կատարված հարձակումը։
Սաիդ Խաթիբզադեն, դատապարտելով, հարձակումը և Գերմանիայի կառավարությանը կոչ է արել լուրջ քայլեր ձեռնարկել՝ Վիեննայի կոնվենցիայի համաձայն՝ ապահովելու Իրանի դիվանագիտական տարածքների անվտանգությունը։
Իրանի դիվանագիտական ծառայության խոսնակն ասել է. «Գերմանիայի կառավարությունից ակնկալվում է, որ հետևողական և արդյունավետ քայլեր կձեռնարկվեն՝ նման հարձակումների կրկնությունը կանխելու համար, միևնույն ժամանակ հետաքննություն կանցկացվի այս հարձակման կապակցությամբ և հարձակման հեղինակները պատասխանատվության կենթարկվեն»:
Գերմանական տեղական լրատվամիջոցները հաղորդում են, որ ուրբաթ երեկոյան անհայտ անձինք հարձակվել են Համբուրգում Իրանի գլխավոր հյուպատոսության վրա։
Ըստ տեղեկությունների՝ միջադեպի հետևանքով տուժածներ չկան, վնասվել է միայն հյուպատոսության շենքի մուտքը։
