Իրան. Սիրիայում հակամարտությունը դադարեցնելու ջանքերը պետք է կրկնապատկվեն
ՄԱԿ-ում Իրանի դեսպան և մշտական ներկայացուցիչը հայտարարել է. «Սիրիայի ժողովրդի հետագա տառապանքները և տարածաշրջանային խաղաղության և անվտանգության վրա այդ երկրի պատերազմի բացասական հետևանքները կանխելու համար, հակամարտությանը վերջ տալուն ուղղված ջանքերը պետք է կրկնապատկվեն»:
ԻՌՆԱ-ի հաղորդման համաձայն, ՄԱԿ-ում Իրանի դեսպան և մշտական ներկայացուցիչ Մաջիդ Թախթռավանչին, չորեքշաբթի օրը ՄԱԿ-ի ԱԽ նիստում իր ելույթում հայտարարել է. «Իհարկե, նման գործողությունները պետք է հիմնված լինեն Սիրիայի ինքնիշխանության, միասնության և տարածքային ամբողջականության նկատմամբ հարգանքի, երկրի բոլոր հատվածներից բոլոր անկոչ և օկուպացիոն ուժերի դուրսբերման, ինչպես նաև այնտեղ գտնվող ահաբեկչական խմբավորումների դեմ արդյունավետ պայքարի վրա»։
Նա ընդգծել է, որ Սիրիայում տեղակայված ահաբեկիչները պետք է քրեական պատասխանատվություն կրեն պատերազմի ժամանակ քիմիական նյութեր օգտագործելու համար։
ՄԱԿ-ում Իրանի դեսպան և մշտական ներկայացուցիչը հայտարարել է. «Մենք վերահաստատում ենք մեր լիակատար աջակցությունը Քիմիական զենքի արգելման մասին կոնվենցիայի նպատակներին հասնելուն՝ դրա լիարժեք, արդյունավետ և ոչ խտրական կիրառման միջոցով»:
Թախթռավանչին հայտարարել է. «Այս կապակցությամբ Իրանը կարծում է, որ անհրաժեշտ է Իսրայելի ռեժիմըին ստիպել միանալ այս կոնվենցիային՝ առանց որևէ հետագա նախապայմանների կամ ձգձգումների»:
