Ռայիսի. Բնական գազը ձևավորում է աշխարհի էներգետիկայի ապագան
Կատարում կայացած Գազ արտահանող երկրների ֆորումի գագաթնաժողովում ԻԻՀ նախագահը հայտարարել է.«Բնական գազը ձևավորում է աշխարհի էներգետիկայի ապագան և հանդիսանում է էներգիայի կարևոր աղբյուր հասարակության համար»:
Գազ արտահանող երկրների ֆորումի 6-րդ գագաթնաժողովում ունեցած ելույթում, Սեյեդ Էբրահիմ Ռայիսին ասել է.«Որպես հսկայական պաշարներ ունեցող և բնական գազ արտահանող երկրներ՝ մենք պետք է մեր ուղերձը թափանցիկ կերպով հայտնենք աշխարհին: Այս ֆորումի նպատակն է պաշտպանել անդամ երկրների ինքնիշխանության իրավունքը և ավելի շատ համագործակցել բնական գազի հետախուզման ոլորտում»:
Իրանի Իսլամական Հանրապետության նախագահն ընդգծել է. «Այն իրավիճակում, որ այսօր կորոնավիրուսի բռնկման պատճառով հայտնվել է աշխարհը, ես առաջարկում եմ, որ բնական գազը ծառայի համաշխարհային տնտեսությանը հետկորոնավիրուսային ժամանակաշրջանում»։
Ռայիսին նշել է.«Մենք՝ որպես հսկայական պաշարներ ունեցող և գազ արտահանող երկրներ բնական գազի պահանջարկի անվտանգությունը բարելավելու և Գազ արտահանող երկրների ֆորումի նպատակներն ու առաքելությունը հետապնդելու շրջանակում, կարող ենք հստակ ուղերձ հղել աշխարհին՝ կարճ և երկարաժամկետ հեռանկարում երաշխավորելու և ապահովելու կայուն էներգիա»:
Գազ արտահանող երկրների ֆորումի (GECF) անդամ երկրներն ընդհանուր առմամբ իրենց տրամադրության տակ ունեն գազի համաշխարհային առևտրի 44 տոկոսը և գազի ապացուցված համաշխարհային պաշարների 65 տոկոսը:
