Ամիր Աբդոլլահյան. Իրանն աջակցում է ուկրաինական ճգնաժամի կարգավորմանն ուղղված ցանկացած ջանքերի
Իր ուկրաինացի գործընկերոջ հետ հեռախոսազրույցում, ԻԻՀ ԱԳ նախարարն ընդգծել է, որ Թեհրանն աջակցում է ուկրաինական ճգնաժամի կարգավորմանն ուղղված ցանկացած քաղաքական ջանքերի։
ԻՌՆԱ-ի հաղորդման համաձայն, Հոսեյն Ամիր Աբդոլլայանը և Դմիտրի Կոլբան երկուշաբթի օրը կայացած հեռախոսազրույցում քննարկել են ուկրաինական ճգնաժամը, դիվանագիտական օբյեկտների պաշտպանության անհրաժեշտությունը, մարդասիրական օգնության առաքման հետ կապված և երկկողմանի հետաքրքրություն ներկայացնող մի շարք հարցեր:
Ամիր Աբդոլլահյանը, նշելով, որ Իրանը դեմ է պատերազմին և ընդգծում է ճգնաժամի քաղաքական լուծմանն ու դիվանագիտական երկխոսության անհրաժեշտությունը,. կարևորել է Թուրքիայում կայացած Ուկրաինայի և Ռուսաստանի ԱԳ նախարարների վերջին հանդիպումը և ընդգծել. խնդրի կարգավորման քաղաքական ուղին շարունակելու անհրաժեշտությունը:
Անդրադառնալով ուկրաինական ճգնաժամի արմատներին՝ Ամիր Աբդուլլահյանը հավելել է. «Թեհրանն առանց բացառության դեմ է պատերազմին Ուկրաինայում, Աֆղանստանում, Եմենում և մյուս երկրներում»:
Ուկրաինայի արտաքին գործերի նախարարը բարձր է գնահատել Իրանի դիրքորոշումը պատերազմին հակազդելու հարցում և կոչ է արել Թեհրանին քաղաքական աջակցություն ցուցաբերել պատերազմը դադարեցնելու համար:
