Նիքզադ. Իրանը ջանք չի խնայի Սիրիային օգնելու համար
Իրանի Իսլամական Խորհրդարանի փոխնախագահ Ալի Նիքզադը չորեքշաբթի օրը հայտարարել է. «Թեհրանը կշարունակի աջակցել Դամասկոսին՝ Սիրիայի վերակառուցման գործում»:
Սիրիայի ԱԳ նախարար Ֆեյսալ ալ-Մեղդադի հետ հանդիպումից հետո կայացած մամուլի ասուլիսում, Նիքզադը հայտարարել է, որ Իրանի դիրքորոշումն անփոփոխ է և Թեհրանը մերժում է Սիրիայի ներքին գործերին ցանկացած արտաքին միջամտություն և այդ երկրի նկատմամբ ԱՄՆ-ի սահմանած պատժամիջոցները:
Նա նշել է. «Թեհրանը ջանք չի խնայի՝ հատկապես առևտրի, տնտեսության և վառելիքի ոլորտներում Սիրիային աջակցելու հաղթահարել այս փուլը»։
Ֆեյսալ ալ-Մեղդադը հայտարարել է, որ Սիրիայի և Իրանի նկատմամբ ԱՄՆ-ի և նրա արևմտյան դաշնակիցների կողմից կիրառվող միակողմանի պատժամիջոցները հակասում են բարոյական սկզբունքներին: Նա բարձր է գնահատել Վիեննայի բանակցություններում Իրանի իշխանությունների քաղաքական խոհեմությունը և կոչ է արել ԱՄՆ-ին և արևմտյան երկրներն առանց նախապայմանների վերադառնալ բանակցությունների սեղանի շուրջ: