Խաթիբզադեն Աֆղանստանի իշխանություններին կոչ է արել հայտնաբերել և պատժել ահաբեկչական գործողության հեղինակներին
Դատապարտելով արևմտյան Քաբուլում տեղի ունեցած ահաբեկչական հանցագործությունը, Իրանի արտաքին գործերի նախարարության խոսնակն Աֆղանստանի իշխանություններին կոչ է արել հայտնաբերել և պատժել այս ահաբեկչական գործողության հեղինակներին:
Աֆղանստանի մայրաքաղաք Քաբուլի Ղալե նո շրջանում երկու պետական և մասնավոր ուսումնական հաստատությունների դիմաց տեղի ունեցած մի շարք պայթյունների հետևանքով զոհվել է առնվազն 27 մարդ, տասնյակ մարդիկ վիրավորվել են:
Աֆղանստանի լրատվական աղբյուրները հայտնել են, որ թալիբները լրագրողներին թույլ չեն տվել լուսաբանել Քաբուլի արևմտյան հատվածում այսօր տեղի ունեցած պայթյունները:
Իրանի արտաքին գործերի նախարարության խոսնակ Սաիդ Խաթիբզադեն երեքշաբթի օրն իր թվիթերյան միկրոբլոգում գրել է.«Թաքֆիրականները հերթական անգամ հանցագործություն են կատարել և Աֆղանստանի հողը շաղախել են անմեղ երեխաների արյամբ»:
Իրանի ԱԳ նախարարության խոսնակը հավելել է.«Հակակրոնականները, նույնիսկ չհարգեցին Ռամազան բարեբաստիկ ամիսը»:
