Իրան. Աֆղանստանում ԻԼԻՊ-ի ահաբեկչական գործողություններն ակտիվացել են
ՄԱԿ-ում Իրանի դեսպան և մշտական ներկայացուցչի տեղակալը հայտարարել է., որ Թեհրանը խորապես մտահոգված է Աֆղանստանում տեղի ունեցող իրադարձություններով և ԻԼԻՊ-ն ակիվացրել է տարածաշրջանում իրականացվող ահաբեկչական գործողությունները:
Ուրբաթ օրը, ահաբեկչության ու ծայրահեղականության դեմ պայքարի թեմայով հանդիպման ժամանակ, Զահրա Էրշադին ասել է. «Գաղտնիք չէ, որ Աֆղանստանում ԻԼԻՊ-ի ներկայությամբ, տարածաշրջանում ահաբեկչական գործողություններն ավելացել են»:
Էրշադին հավելել է. «Իրանը մտահոգված է Աֆղանստանում տեղի ունեցող իրադարձություններով և երկրի իշխանություններին կոչ է անում քայլեր ձեռնարկել՝ վերջին սարսափելի հարձակումների մեղավորներին հայտնաբերելու և պատասխանատվության ենթարկելու ուղղությամբ»:
Իրանցի դիվանագետը նաև ասել է. «Տարածաշրջանի անապահով վիճակը ստեղծվել է ԻԼԻՊ-ի գործողությունների հետևանքով, ինչպես նաև մի շարք երկրների անպատասխանատու քաղաքականության արդյունքում, որոնք ահաբեկիչներին Իրաքից ու Սիրիայից տեղափխել են Աֆղանստան»:
«Հաշվի առնելով, որ ահաբեկչությունը չի ճանաչում սահմաններ, դրա դեմ պայքարում համաշխարհային, տարածաշրջանային և հարևան երկրների համագործակցությունը շատ կարևոր է»,- ասել է Էրշադին:
