Իրանի էներգետիկայի նախարարը ժամանել է Երևան

Երեքշաբթի երեկոյան Իրանի էներգետիկայի նախարար Ալի Աքբար Մեհրաբյանը ժամանել է Երևան: Նախարարին դիմավորել է Հայաստանի տարածքային կառավարման և ենթակառուցվածքների նախարարի տեղակալ Հակոբ Վարդանյանը:

Հայաստան կատարած այցի շրջանակում, Ալի Աքբար Մեհրաբյանը կհանդիպի իրանցի գործարարների և ՀՀ շրջակա միջավայրի նախարարի հետ:

Նախատեսված է նաև Մեհրաբյանի հանդիպումը ՀՀ փոխվարչապետի և համատեղ հանձնաժողովի նախագահի հետ և մասնակցությունը  Իրան-Հայաստան համատեղ հանձնաժողովի 17-րդ նիստին:

Նիստը կկայանա մայիսի 10-ից 11-ը՝ Երևանում։