ՀՀ տարածքային կառավարման և ենթակառուցվածքների նախարարն այցելել է Թեհրան-Հյուսիս մայրուղի
ՀՀ տարածքային կառավարման և ենթակառուցվածքների նախարար Գնել Սանոսյանը տեխնիկական և ինժեներական ծառայությունների ոլորտում իրանական ընկերությունների կարողություններին ծանոթանալու նպատակով այցելել է Թեհրան-Հյուսիս մայրուղի:
Թեհրան-Հյուսիս ավտոմայրուղու նախագիծն Իրանում ճանապարհաշինության ամենախոշոր նախագծերից է, որը նախագծվել և կառուցվել է Թեհրանից դեպի հյուսիս տանող ճանապարհը կրճատելու և Չալուս ու Նովշահր քաղաքներին դյուրին հասանելիություն ապահովելու համար:
121 կմ երկարությամբ այս ավտոմայրուղին, որը կրճատել է Թեհրանից դեպի հյուսիս տանող ճանապարհը, անցնում է Թեհրան, Ալբորզ և Մազանդարան նահանգներով:
Իրանի ռադիոհեռուստատեսության լրատվական գործակալության հաղորդման համաձայն՝ Իրանի ճանապարհների և քաղաքաշինության փոխնախարար Խեյրոլլահ Խադեմին և ՀՀ տարածքային կառավարման և ենթակառուցվածքների նախարար Գնել Սանոսյանն այսօր այցելել են Թեհրան-Հյուսիս մայրուղի:
Այցի ժամանակ ՀՀ տարածքային կառավարման և ենթակառուցվածքների նախարար Գնել Սանոսյանը հաշվի առնելով տարանցիկ երթուղիների կառուցման ոլորտում իրանցի մասնագետների տեխնիկական և ինժեներական կարողությունները, ցանկություն է հայտնել, որ վերջիններս համագործակցեն Իրանի և Հայաստանի միջև «Հյուսիս-հարավ» միջանցքն ավարտին ահսցնելու գործում:
