Իրանի և Թուրքմենստանի ԱԳ նախարարները հեռախոսազրույցում քննարկել են տարածաշրջանային մի շարք հարցեր
Իրանի արտգործնախարար Հոսեյն Ամիր Աբդոլլահյանը և Թուրքմենստանի արտգործնախարար Ռաշիդ Մուրադովը կիրակի օրը կայացած հեռախոսազրույցում քննարկել են երկկողմ պայմանավորվածությունների կատարման ընթացքը, որոշ տարածաշրջանային խնդիրներ և Աշխաբադում կայանալիք մերձկասպյան պետությունների առաջիկա գագաթնաժողովը:
Հեռախոսազրույցում անդրադառնալով Թեհրանում երկու նախագահների վերջին հանդիպմանը, Ամիր Աբդոլլահյանը նշել է, որ այցը բեկումնային էր երկու երկրների հարաբերություններում և ազդեցություն կունենա երկու հարևանների բարեկամական հարաբերությունների զարգացման վրա։
Թուրքմենստանի ԱԳ նախարարը, շնորհակալություն հայտնելով Թեհրանում այդ երկրի նախագահին հյուրընկալելու կապակցությամբ, նշել է, որ այցը նշանավորում է երկու երկրների հարաբերությունների նոր գլխի սկիզբ։
Նա մեկ անգամ կրկնել է իր երկրի նախագահի պաշտոնական հրավերն ԻԻՀ նախագահին՝ մասնակցելու Աշխաբադում կայանալիք մերձկասպյան երկրների գագաթնաժողովին։
