Ամիր Աբդոլլահյանն Իրաքի արտգործնախարարի հետ հեռախոսազրույցում դատապարտել է Զախո քաղաքի հրետակոծությունը
Իրանի արտաքին գործերի նախարարը դատապարտելով Զախո քաղաքի հրետակոծությունը, ընդգծել է Իրանի Իսլամական Հանրապետության հաստատակամ աջակցությունն Իրաքի կայունությանն ու անվտանգությանը։
Իրանի արտաքին գործերի նախարար Հոսեյն Ամիր Աբդոլլահյանը Իրաքի արտգործնախարար Ֆուադ Հոսեյնի հետ հեռախոսազրույցում դատապարտել է Իրաքի Քուրդիստանի հյուսիսում գտնվող Դոհուկ նահանգի Զախո քաղաքի հրետակոծությունը։
Վշտակցություն հայտնելով զոհվածների ընտանիքներին, Իրաքի կառավարությանն ու ժողովրդին՝ Ամիր Աբդոլլահյանն ընդգծել է Իրանի աջակցությունն Իրաքի կայունությանն ու անվտանգությանը։
Ամիր Աբդոլլահյանն Իրաքի ԱԳ նախարարին տեղեկացրել է սահմանային խնդիրների լուծման խաղաղ միջոցների կիրառման վերաբերյալ ընդունված որոշումների և Թեհրանում Աստանայի գագաթնաժողովին մասնակցած երեք երկրների ղեկավարների տեսակետների մասին։
Իրաքի արտաքին գործերի նախարարը, շնորհակալություն հայտնելով Իրանի կառավարությանն ու ժողովրդին հայտնած ցավակցության համար, ասել է.«Զախո քաղաքի հանգստավայրերից մեկի հրետակոծությունը համարվում է Իրաքի տարածքային ամբողջականության և ինքնիշխանության խախտում և այդ տարածքում ահաբեկչական խմբավորման ներկայության մասին անհիմն հայտարարությունը չի համապատասխանում իրականությանը»:
