Թախթռավանչի. Անհրաժեշտ է չեղարկել Սիրիայի դեմ միակողմանի պատժամիջոցները
ՄԱԿ-ում Իրանի դեսպան և մշտական ներկայացուցիչ Մաջիդ Թախթռավանչին կոչ է արել չեղարկել Դամասկոսի դեմ միակողմանի պատժամիջոցները և հումանիտար օգնություն տրամադրելիս հարգել երկրի քաղաքական ինքնիշխանությունը, անկախությունը և տարածքային ամբողջականությունը:
Հինգշաբթի օրը, ԱԽ-ում Սիրիայի վերաբերյալ բանաձևի վետոյի քննարկման թեմայով ՄԱԿ-ի գլխավոր ասամբլեայում ունեցած ելույթումՙ մաջիդ Թախթռավանչին հայտարարել է. «Սիրիայի հումանիտար հարցի վերաբերյալ Իրանի դիրքորոշումը հստակ է. Թեհրանը մշտապես աջակցել է Սիրիային մարդասիրական օգնության տրամադրմանը՝ անկախության, մարդասիրության և չեզոքության հարգման սկզբունքների հիման վրա»:
Նա հավելել է. «Քաղաքական իրավիճակը չպետք է խոչընդոտի Սիրիայի կարիքավոր ժողովրդին հումանիտար օգնության ահսանելիությանը»:
Նա հավելել է. «Պատժամիջոցները չպետք է խոչընդոտեն Սիրիայի վերականգնման հիմնական ծրագրերի իրականացմանն այդ թվում էլեկտրաէներգիայի ոլորտում, քանի որ կարևոր նշանակություն ունեն հիմնական ծառայությունների հասանելիությունը վերականգնելու հարցում: Անօրինական պատժամիջոցները շատ դեպքերում խոչընդոտում են Սիրիայի վերականգնմանն ու մարդասիրական օգնության առաքմանը, հետաձգելով նաև փախստականների և ներքին տեղահանվածների վերադարձը»:
