ԻՀՊԿ-ի վերջնագիրը Բաքվին. Իրանը զրահատեխնիկա է տեղակայում Ադրբեջանի հետ սահմանին
Սահմանների աշխարհաքաղաքական փոփոխության վերաբերյալ ԻՀՊԿ-ի կողմից Բաքվին ուղղված լուրջ նախազգուշացումից հետո, Իրանը ռազմական ուժ է տեղակայել երկրի հյուսիս-արևմտյան սահմաններին։
Էթեմադ օնլայն կայքը տեսանյութ է հրապարակել, որում երևում է իրանական տանկերի և ռազմական տեխնիկայի տեղաշարժը դեպի հյուսիս-արևմտյան սահմաններ, այդ թվում՝ Իրանի հետ Ադրբեջանի սահման։
Որոշ աղբյուրներ հայտնել են նաև, որ ռազմական մեքենաները շարժվում են դեպի Իրանի և Ադրբեջանի սահման։
Ավելի վաղ ԻՀՊԿ-ն Ադրբեջանի նախագահ Իլհամ Ալիևի կառավարությանը նախազգուշացրել էր սահմանների աշխարհաքաղաքականությունը փոխելու կապակցությամբ։
Սաեդ Նյուզ գործակալության հաղորդմամբ, ԻՀՊԿ-ն թվիթերյան հաղորդագրությամբ հայտարարել է.«ԻԻՀ-ն միջազգային սահմանների խախտումն ու տարածաշրջանում քաոսի ստեղծումը համարում է մանկասպան Սիոնիստական ռեժիմի նպատակների ուղղությամբ արված քայլ և դատապարտելով այդ գործողությունները և նախազգուշացնելով դրա հեղինակներին՝ հայտարարում է, որ տարածաշրջանի սահմանների ցանկացած փոփոխություն Իրանի կարմիր գիծն է»։
Ավելի վաղ Իրանի ԱԳ նախարար Հոսեյն Ամիր Աբդոլլահյանը նույնպես Իրանում ՌԴ-ի նախկին դեսպան Լևան Ճագարյանը հետ հրաժեշտի հանդիպման ժամանակ հայտարարել էր էր.«Տարածաշրջանում աշխարհաքաղաքական ցանկացած փոփոխություն անընդունելի է»:
Վերջին օրերին Հայաստանի և Ադրբեջանի սահմանին տեղի են ունեցել նոր բախումներ:
