Թեհրանի Էվին բանտի հրդեհը մարվել է

Իրանի Արդարադատության նախարարության մամուլի գրասենյակը հայտարարել է, որ Թեհրանի Էվին բանտի կարի արտադրամասում բռնկված հրդեհը մեկուսացվել է։

Ըստ այս հաղորդման՝ հրդեհը բռնկվել է շաբաթ երեկոյան՝  արտադրամասում  մի խումբ բանտարկյալների միջև տեղի ունեցած կոնֆլիկտից հետո։

Հրդեհից անմիջապես հետո գործի է դրվել բանտի կանոնակարգը՝ իրավիճակը վերահսկելու համար,  բանտում տեղակայված հրշեջ կայանն անմիջապես սկսել է հրդեհաշիջման աշխատանքները և հրդեհը մեկուսացվել է:

Իրանի ռադիոհեռուստատեսության լրատվական գործակալության հաղորդմամբ՝ բանտում իրավիճակը կայունացնելու համար,  օգնության են հասել ոստիկանները:

Բանտարկյալների միջև կոնֆլիկտը հարթվել է: