Ղալիբաֆ․ Եթե հարձակվեք մեր ունեցվածքի վրա, ինքներդ էլ կհայտնվեք հարձակման թիրախում
Իրանի Իսլամական խորհրդարանի նախագահը հայտարարել է․ «Եթե հարձակվեք մեր ունեցվածքի վրա, ինքներդ էլ կհայտնվեք հարձակման թիրախում։ Մենք արդեն ապացուցել ենք, որ ունենք այդ կարողությունը․ հարցրեք ձեր այն ռազմական բազաներին, որոնք շարքից դուրս են եկել և այլևս գործնական չեն»։
Ինչպես հաղորդում է «Փարս Թուդեյ»-ը՝ վկայակոչելով Իրանի Ռադիո և հեռուստատեսության լրատվական գործակալությանը, ԻԻԽ֊ի նախագահ Մոհամմադ Բաղեր Ղալիբաֆը, արձագանքելով ԱՄՆ-ի պատերազմի նախարար Փիթ Հեգսեթի վերջին սպառնալիքներին և ռազմատենչ հայտարարություններին, իր «X» սոցիալական ցանցի օգտահաշվում անդրադարձել է Իրանի նոր ռազմական ռազմավարությանը և գրել է․ «Պարզ և հասկանալի է որ այս տարածաշրջանում նավթի և գազի արտադրության շղթան ընդարձակ և ցրված է, հասանելի ու խոցելի։ Այս ջրերում և համապատասխան ենթակառուցվածքներում գործունեություն ծավալող ամերիկյան նավթային և գազային ընկերությունները նույնպես նույնքան խոցելի են»։
Նա հավելել է․ «Եթե հարձակվեք մեր ունեցվածքի վրա, ինքներդ էլ կհայտնվեք հարձակման թիրախում։ Մենք արդեն ապացուցել ենք, որ ունենք այդ կարողությունը։ Հարցրեք ձեր այն ռազմական բազաներին, որոնք շարքից դուրս են եկել և այլևս գործնական չեն»։