Իրանն արձագանքել է Ռուսաստանին իրանական ԱԹՍ-ների վաճառքի վերաբվերյալ հայտարարություններին
ՄԱԿ-ում ԻԻՀ դեսպան և մշտական ներկայացուցիչն ասել է. «Իրանի դեմ քաղաքական արշավն ու ապակողմնորոշիչ տեղեկատվության տարածումարդյուքն չեն ունենա»։
Ամիր Սաիդ Իրվանին հերքել է Իրանի կողմից Ռուսաստանին ԱԹՍ-ներ վաճառելու մասին լուրերը, որոնք ըստ այդ լուրերի, կիրառվել են Ուկրաինայի պատերազմում: Նա նշել է, որ այդ պնդումները կապ չունեն 2231 բանաձևի հետ:
Հայտարարելով, որ Իրանը դեմ է պատերազմին և հակամարտություններին, Իրվանին ասել է. «Իրանը, որպես ութ տարվա ագրեսիա և պարտադրված պատերազմ ապրած երկիր, շարունակաբար աջակցել է խաղաղությանը և Ուկրաինայում պատերազմի անհապաղ դադարեցմանը»։
ՄԱԿ-ում Իրանի դեսպանն ու մշտական ներկայացուցիչը հավելել է. «Մենք մշտապես ընդգծել ենք, որ ՄԱԿ-ի բոլոր անդամները պետք է հարգեն կազմակերպության կանոնադրության և միջազգային իրավունքի նպատակներն ու սկզբունքները, ներառյալ՝ ինքնիշխանությունը, անկախությունը, միասնությունը և տարածքային ամբողջականությունը»:
Իրվանին հիասթափություն է հայտնել, որ ուկրաինական ճգնաժամում որոշ երկրներ միայն հետևում են իրենց քաղաքական նպատակներին։
