Իրանի և Սիրայի ԱԳ նախարարները հեռախոսազրույց են ունեցել
Իրանի Իսլամական Հանրապետության և Սիրիայի արտաքին գործերի նախարարները քննարկել են տարածաշրջանային և միջազգային ասպարեզում երկկողմ հետաքրքրություն ներկայացնող մի շարք հարցեր։
Իրանի ԱԳ նախարար Հոսեյն Ամիր Աբդոլլահյանը կիրակի օրը Սիրիայի ԱԳ նախարար Ֆեյսալ ալ-Մեղդադի հետ հեռախոսազրույցում ընդգծել է.-«Քաղաքական և քարոզչական ճնշումները չեն կարող խանգարել անկախության, առաջադիմության ու արժանապատվության ուղղությամբ ընթանալու, տարածաշրջանի երկրների կայունությանն ու անվտանգությանն աջակցելու, օտարերկյա միջամտություններին և սիոնիստական օկուպանտ ռեժիմի ոտնձգություններին ընդդիմանալու Իրանի ժողովրդի և կառավարության վճռականությունը և Իրանի ժողովուրդը իր զգոնությամբ կխափանի թշնամու դավադրությունը»։
Անդրադառնալով Սիրիայում մարդու իրավունքների պաշտպանության պատրվակով օտարերկրյա միջամտությունների դառը արդյունքներին և Սիրիայի կառավարության ու ժողովրդի դեմ ճգնաժամի հարուցմանը, Ֆեյսալ ալ-Մեղդադն ասել է-«Նրանք ձգտում են ճգնաժամ հարուցել անկախ երկրների, այդ թվում՝ Իրանի Իսլամական Հանրապետության դեմ»։
Սիրիայի արտաքին քաղաքական գերատեսչության ղեկավարը նշել է․-«ԱՄՆ-ն և Արևմուտքը չեն հանդուրժում զարգացած և անկախ իսլամական երկրներին, և բոլորը տեսան, թե ԱՄՆ-ն և նրա դաշնակիցներն ինչ արեցին Սիրիայի, Իրաքի և Աֆղանստանի հետ»:
Իրանի Իսլամական Հանրապետությունը ռազմավարական համագործակցություն ունի Սիրիայի հետ, և դրա ապացույցն է Սիրիայում տիրող ճգնաժամի ժամանակ այս երկրի օրինական կառավարությանը և տարբեր ահաբեկչական խմբավորումների դեմ պայքարում Ասադի կառավարությանը ցուցաբերված Թեհրանի աջակցությունը։
