Հարևան երկրների հետ հարաբերությունների բարելավումն Իրանի կառավարության առաջնահերթություններից է
Իրանի փոխնախագահ և շրջակա միջավայրի պահպանության կազմակերպության ղեկավարը նշել է «Իրանի կառավարության առաջնահերթությունը հարևան և մուսուլմանական երկրների հետ հարաբերությունների զարգացումն է: Այդ կապակցությամբ, անցած ամառ տեղի ունեցավ տարածաշրջանի երկրների բնապահպանության նախարարների հանդիպումը»:
Եգիպտոսի արտաքին գործերի նախարար և ՄԱԿ-ի Կլիմայի փոփոխության կոնվենցիայի (COP27) 27-րդ համաժողովի աշխատակազմի ղեկավար Սամեհ Շուքրիի հետ Եգիպտոսի Շարմ էլ-Շեյխ քաղաքում հանդիպման ժամանակ, Ալի Սելաջեն ասել է. «Չնայած ԱՄՆ-ի սահմանած հակաիրանական դաժան պատժամիջոցներին և կլիմայի փոփոխության ծրագրերի հետ կապված Իրանի նպատակները լիարժեք չքննարկելուն, Իրանում գիտելիքի վրա հիմնված լայնածավալ առաջընթաց է գրանցվել շրջակա միջավայրի, հատկապես հարմարվողականության ոլորտում»:
Սամեհ Շուքրին ասել է. «Շարմ էլ Շեյխի համաժողովին փոխնախագահի մակարդակով իրանական պատվիրակության ներկայությունը ցույց է տալիս կլիմայի փոփոխության խնդրի և երկու երկրների հարաբերությունների կարևորությունը»։
Անդրադառնալով 77 խմբին անդամակցելու միջոցով Իրանի և Եգիպտոսի համագործակցությանը, Եգիօպտոսի ԱԳ նախարարը նշել է, որ երկու երկրների շահերը շատ դեպքերում համընկնում են: Նա հավելել է. «Կոնվենցիայի նպատակներին հասնելու համար անհրաժեշտ է բոլոր երկրների ճկունությունը»:
