Փոխըմբռնում Իրանի տարածքով 12 միլիոն տոննա ռուսական բեռի տարանցման վերաբերյալ
Իրանի երկաթուղու գլխավոր տնօրենը հայտարարել է Ռուսաստանի հետ Իրանի տարածքով 12 միլիոն տոննա բեռի տարանցման շուրջ փոխըմբռնման մասին։
Մոսկվա կատարած երկօրյա այցի ավարտին և Ռուսական երկաթուղիների գործադիր տնօրենի հետ հանդիպումից հետո Իրանի Երկաթուղիների գործադիր տնօրեն Սեյեդ Միադ Սալեհին Twitter-ում գրել է.«Ռուսական երկաթուղիների գործադիր տնօրենի հետ փոխըմբռնման արդյունքում 12 միլիոն տոննա թիրախ սահմանելով՝ նոր էջ է բացվում Իրանի միջազգային երկաթուղային հարաբերություններում»։
Իրանի Երկաթուղիների գործադիր տնօրենը հստակեցրել է, որ Մոսկվայում CCTT երկաթուղային գագաթնաժողովում ելույթ է ունեցել Հյուսիս-Հարավ միջանցքում երկաթուղային տարանցման ոլորտում ցատկ արձանագրելու Իրանի կարողությունների և վճռականության մասին»:
ԻԻՀ-ի և Ռուսաստանի հարաբերությունները վերջին տարիներին լուրջ փոփոխություններ են կրել տարբեր պատճառներով, այդ թվում՝ տարածաշրջանային և միջազգային զարգացումներով: Երկու երկրները թեւակոխել են փոխգործակցության այնպիսի փուլ, որ եթե երկկողմ հարաբերություններում ճանաչվեն հնարավորություններն ու սպառնալիքների պաթոլոգիան, և ժամանակին վերանան խոչընդոտները, ապա նրանց միջև հարաբերությունների զարգացումը տարբեր հարթություններում, հատկապես տնտեսական հարթություններում, կծաղկի մոտ ապագայում:
