Իրանի Կենտրոնական բանկի գլխավոր տնօրենը մեկնել է Կատար

Իրանի Կենտրոնական բանկի գլխավոր տնօրենը՝ մասնագիտացված պատվիրակության գլխավորությամբ Կատարի մայրաքաղաք Դոհա է ժամանել Պարսից ծոցի երկրների հետ դրամավարկային և բանկային հարաբերությունների զարգացման և ամրապնդման նպատակով։

Tasnim լրատվական գործակալության փոխանցմամբ՝ Իրանի Կենտրոնական բանկի գլխավոր տնօրեն Մոհամմեդ Ռեզա Ֆարզինին Դոհա կատարած այցի ժամանակ ուղեկցում է Իրանի արտաքին գործերի նախարարության տնտեսական դիվանագիտության փոխնախարար Մեհդի Սաֆարին։

Իրանի կենտրոնական բանկի գլխավոր տնօրենի  օրակարգում է Իրանի և Պարսից ծոցի երկրների միջև դրամական և բանկային փոխանակումների ու համագործակցության ավելացումը։

Կատարն Իրանի արտաքին քաղաքականության թիրախային և առաջնահերթ երկրներից մեկն է, և երկկողմ հարաբերությունների պատմության վերանայումը ցույց է տալիս, որ Թեհրան-Դոհա հարաբերությունները միշտ էլ խորը և աճող են եղել: