Ռայիսի. Իրանի ժողովրդի պողպատե կամքի շնորհիվ ձախողվել են պատժամիջոցները

Իրանի Իսլամական Հանրապետության նախագահն ասել է. «Իրանի ժողովրդի պողպատե կամքի շնորհիվ առավելագույն ճնշում գործադրելու և Իրանին նեղ դրության մեջ դնելու թշնամու փորձը ձախողվեց»:

Իրանի Իսլամական Հանրապետության նախագահ Սեյեդ Էբրահիմ Ռայիսին հինգշաբթի օրը Պարսից ծոցից դեպի  երկրի կենտրոնական բարձրավանդակ ջրի տեղափոխման  նախագծի մեկնարկի և Յազդ նահանգում ջրի և էլեկտրաէներգիայի արդյունաբերության 16 նախագծերի բացման արարողության ժամանակ նշել է.«Այս ծրագրերը, որոնք իրականացվում են պատժամիջոցների պայմաններում, վկայում են պատժամիջոցների դեմ Իրանի ժողովրդի մեծ ջանքերի և պողպատե կամքի մասին»:

Ռայիսին ընդգծել է. «Իրանի կառավարությունը վճռական է լուծել խնդիրները՝ իրականացնելով մեծ ծրագրեր և հենվելով երկրի պաշարների ու կարողությունների վրա»։

Հանդիպում արդյունաբերության ոլորտի ակտիվիստների հետ, այցելություն վերականգնված արտադրամաս, մասնակցություն Ֆաթիմա Զահրայի ծննդյան տոնակատարությանը և Յազդ քաղաքի կառավարական պատվիրակության և վարչական խորհրդի անդամների համատեղ հանդիպմանը ներկա լինելը Իրանի նախագահ Ռայիսիի Յազդ նահանգ կատարած մեկօրյա այցի ծրագրերից են։