ًՔանանի Չաֆի. Իսլամական հեղափոխության պահապանների կորպուսին աջակցությունն անկասկած շարունակվում է
Իրանի արտաքին գործերի նախարարության խոսնակն ասել է. «Մենք չենք վարանի աջակցել Իսլամական հեղափոխության պահապանների կորպուսին»։
Նասեր Քանանի Չաֆին ասել է. «Իրանի արտաքին գործերի նախարարությունը հայտարարում է իր լիակատար աջակցությունը Իսլամական հեղափոխության պահապանների կորպուսին և որևէ կասկած չունի այդ հարցում»։
Քանանի Չաֆին հավելել է. «Իրանի Իսլամական Հանրապետությունը հաստատակամ և վճռակամ է պաշտպանելու իր ինքնիշխանությունը, ազգային շահերը, իր պաշտոնական քաղաքակնության հիմնասյուները, և վճռական է դա իրականացնելու արտաքին քաղաքականության սկզբունքների, հստակ մոտեցումների, միջազգային և ինքնիշխանության իրավունքի սկզբունքի շրջանակներում։
Անդրադառնալով եվրոպական և բրիտանական մի շարք անձանց և կառույցների նկատմամբ Իրանի Իսլամական Հանրապետության նոր պատժամիջոցներին՝ Իրանի արտաքին գործերի նախարարության խոսնակը հայտարարեց.«Ահաբեկչությանը և ահաբեկչական խմբավորումներին աջակցելու, ժողովրդի դեմ ահաբեկչական գործողություններ և բռնություն հրահրելու և խրախուսելու, Իրանի ներքին գործերին միջամտելու, բռնության և անկարգությունների խթանման, ստի հրապարակման և կեղծ տեղեկատվության տարածման, ինչպես նաև ժողովրդի դեմ ճնշող պատժամիջոցների սրմանը մասնակցելու պատճառով, Եվրամիության և Բրիտանիայի ռեժիմի մի խումբ անհատների և հաստատությունների նկատմամբ պատժամիջոցներ է սահմանվել»:
