Առաջիկայում կհրապարակվի Իրանի կողմից Եվրամիության դեմ սահմանված փոխադարձ պատժամիջոցների ցանկը
Առաջիկայում կհրապարակվի Իրանի կողմից Եվրամիության դեմ սահմանված փոխադարձ պատժամիջոցների ցանկը:
Այս մասին երկուշաբթի օրը հայտնել է ԻԻՀ ԱԳՆ խոսնակ Նասեր Քանանին: Նա նշել է. « Ի պատասխան Եվրամիության վերջին պատժամիջոցների՝ Իրանի Իսլամական Հանրապետությունն առաջիկայում կհրապարակի պատժամիջոցների իր ցուցակը»։
Իրանում տեղի ունեցած վերջին անկարգություններին աջակցելու քաղաքականության շրջանակում, երկուշաբթի օրը, ԵՄ ԱԳ նախարարների խորհուրդը հավանություն է տվել հակաիրանական պատժամիջոցների հինգերորդ փաթեթին:
Իրանը բազմիցս զգուշացրել է Արևմուտքի միջամտողական քաղաքականության հետևանքների կապակցությամբ և հայտարարել, որ նման գործողություններն անպատասխան չեն մնա։
Իրանում անկարգությունների սկզբից ի վեր ԱՄՆ-ն ու արևմտյան երկրները, նոր պատժամիջոցների կիրառմամբ, լրատվամիջոցների քարոզչության և կոշտ ու անհամաչափ դիրքորոշումներ արտահայտելով, փորձում են ակտիվ պահել անհանգիստ վիճակը։