Ամիր Աբդոլլահյան. Իրանի և ՄԱԳԱՏԷ-ի միջև համագործակցությունը շարունակվում է
Իրանի արտաքին գործերի նախարար Հոսեյն Ամիր Աբդոլլահյանը բրիտանական «Ալ Ջազիրա» հեռուստաալիքին տված հարցազրույցում ասել է, -«Համաձայնության հասնելու և բոլոր կողմերի Համատեղ գործողությունների համապարփակ ծրագրով(ՀԳՀԾ) ստանձնած իրենց պարտավորություններին վերադառնալու նպատակով, Իրանի 13-րդ կառավարությունը լուրջ աշխատանք սկսեց և շաբաթներ ու ամիսներ շարունակ Վիեննայում 4+1 խմբի հետ ուղղակի և ԱՄՆ-ի ներկայացուցչի հետ անուղղակի ուղերձներ փոխանակվեցին»:
Նշելով, որ աշնանը տեղի ունեցած անկարգությունների ժամանակ որոշ երկրներ, այդ թվում՝ ԱՄՆ-ը, սխալներ թույլ տվեցին իրենց միջամտություններով, Ամիր Աբդոլլահյանն հավելել է,-«Աշնանը, Իրանի որոշ քաղաքներում մեկնարկելով անկարգություններն ու օտարերկրյա միջամտությունները, Իրանի և ԱՄՆ-ի միջև անուղղակի, բայց ակտիվորեն տեղի ունեցավ ուղերձների փոխանակում պատժամիջոցները չեղարկելու նպատակով»:
Իրանի ԱԳ նախարարը նշել է. -«Դիվանագիտությունն Իրանի միջուկային խնդրի լուծման ճիշտ ճանապարհն է, և Իրանի և Ատոմային էներգիայի միջազգային գործակալության միջև բանակցությունները շարունակվում են տեխնիկական մակարդակով»։
Ողջունելով Թուրքիայի և Սիրիայի միջև թյուրիմացությունները վերացնելու և խնդիրները լուծելու նպատակով տարբեր մակարդակներում կայանալիք քառակողմ բանակցությունները,Իրանի ԱԳ նախարարը նաև հույս է հայտնել,որ քաղաքական երկխոսությունների առաջին փուլը շուտով կանցկացվի Իրանի, Սիրիայի, Թուրքիայի և Ռուսաստանի արտաքին գործերի նախարարների տեղակալների մակարդակով:
