Իրանը Սիրիային օգնում է արբանյակների կառուցման հարցում
ԻԻՀ կապի և տեղեկատվության նախարարը հայտարարել է. «Իրանն օգնում է Սիրիային հեռահաղորդակցության ոլորտի արբանյակների կառուցման հարցում»:
Անդրադառնալով Սիրիայի հետ նախարարության համագործակցությանն Իսա Զարեփուրն ասել է. «ԻԻՀ նախագահի Սիրիա կատարած այցի ընթացքում Սիրիայի հետ հաղորդակցության ոլորտում համագործակցության հուշագիր է ստորագրվել, որը ներառում է Իրանին տիեզերական տվյալների հասանելիությունից մինչև Սիրիային անհրաժեշտ արբանյակների կառուցում»:
Նա հավելել է. «Իրանը Երկրի ցածր ուղեծրում արբանյակներ տեղակայելու հնարավորություն ունեցող երկրների տասնյակում է»:
Իրանը ռազմավարական համագործակցություն ունի Սիրիայի հետ, և դրա ապացույցն է սիրիական ճգնաժամի ժամանակ Թեհրանի աջակցությունը երկրի օրինական կառավարությանը և ահաբեկչական խմբավորումների դեմ պայքարում Ասադի կառավարությանը ցուցաբերած օգնությունը:
ԻԼԻՊ-ի պարտությունից հետո Սիրիայի և Իրանի հարաբերություններն ընդլայնվել և դիվերսիֆիկացվել են, և բոլոր ոլորտներում առկա է հարաբերությունների զարգացման հստակ հեռանկար:
