Իրանը ողջունում է արաբական երկրների և Սիրիայի հարաբերություններում գրանցված դրական զարգացումները
ՄԱԿ-ի գլխավոր քարտուղարի Սիրիայի հարցերով հատուկ ներկայացուցիչ Գիր Պեդերսոնի հետ հանդիպման ժամանակ, Իրանի ԱԳ նախարարի ավագ խորհրդական Ալի Ասղար Խաջին ընդգծելով ահաբեկչության դեմ պայքարը և Սիրիայի ինքնիշխանութան ու տարածքային ամբողջականության հարգումը, ողջունել է Սիրիայի հետ արաբական երկրների հարաբերություններում գրանցված դրական զարգացումները:
«Ֆարս» լրատվական գործակալության փոխանցմամբ՝ Թեհրան ժամանած Սիրիայի հարցերով ՄԱԿ-ի գլխավոր քարտուղարի հատուկ ներկայացուցիչ Գիր Պեդերսոնն այսօր այցելել է Իրանի Իսլամական Հանրապետության արտաքին գործերի նախարարություն և խորհրդակցել արտաքին գործերի նախարար Հոսեյն Ամիր Աբդոլլահյանի հետ։ Նա նաև հանդիպում է ունեցել ԱԳ նախարարի քաղաքական հարցերով ավագ խորհրդական Ալի Ասղար Խաջիի հետ:
Հանդիպմանը կողմերը քննարկել են Սիրիայի հետ կապված վերջին զարգացումները, այդ թվում՝ թուրք-սիրիական վեճերի կարգավորման հարցով Իրանի, Ռուսաստանի, Թուրքիայի և Սիրիայի ԱԳ նախարարների քառակողմ հանդիպումը, և Սիրիայի խնդիրների կարգավորմանը նպաստելու նպատակով Իրանի Իսլամական Հանրապետության և ՄԱԿ-ի համագործակցությունը:
