ՄԱԳԱՏԷ-ում հակաիրանական որոշ գործեր փակվել են

Reuters լրատվական գործակալությունը հաղորդում է. «ՄԱԳԱՏԷ-ն նոր զեկույցում հայտարարել է, որ Իրանի միջուկային օբյեկտներում, որտեղ նախորդ տարի տեսահսկվող սարքերն Իրանի որոշմամբ հեռացվել էին, դրանք կրկին տեղադրվել են»:

Գործակալությունը հայտարարել է, որ 84 տոկոս հարստացված մասնիկների վերաբերյալ Իրանի բացատրությունները համահունչ են գործակալության տեսուչների գնահատականներին, և գործակալությունն այս փուլում այլ հարցեր չունի։

Ըստ այս հաղորդման՝ գործակալությունը դադարեցրել է հետաքննությունն  Իրանի Մարիվանում ուրանի հայտնաբերման վերաբերյալ, և այս հարցն այլևս մնացած հարցերի թվում չէ։

Հարկ է նշել, որ ՄԱԳԱՏԷ-ում կեղծ մեղադրանքներ հնչեցնելով,  արևմտյան երկրները փորձել են տարբեր  գործեր հարուցել   Իրանի խաղաղ միջուկային գործունեության դեմ և  գործակալության ճնշման միջոցով խոչընդոտել ԻԻՀ  միջուկային խաղաղ ծրագրի առաջընթացին: