Հերվիկ Յարիջանյանը՝ Թեհրանի առևտրի պալատի արդյունաբերության և հանքարդյունաբերության հանձնաժողովի նախագահ

Օգոստոսի 12-ին, տեղի է ունեցել Թեհրանի առևտրի պալատի արդյունաբերության և հանքարդյունաբերության հանձնաժողովի ընտրությունները և հանձնաժողովի անդամների առավելագույն ձայներով պալատի նախագահ է ընտրվել Հերվիկ Յարիջանյանը:

Թեհրանի արդյունաբերության, հանքերի և գյուղատնտեսության պալատի արդյունաբերության և հանքարդյունաբերության հանձնաժողովի նորընտիր նախագահ Հերվիկ Յարիջանյանը Իրան-Հայաստան առևտրի պալատի նախագահն է, Իրանի հաստոցներ արտադրողների և պոլիմերային սարքավորումների կազմակերպության ղեկավարը, ինչպես նաև՝  Իրան-Չինաստան, Իրան-Գերմանիա, և  Իրան-Ավստրիա առևտրի պալատների անդամ:

Նույն ընտրությունների արդյունքում Թեհրանի առևտրի պալատի արդյունաբերության և հանքարդյունաբերության հանձնաժողովի առաջին և երկրորդ փոխնախագահներ են ընտրվել Մոհամմադ Ռեզա Զոհրևանդը և  Սեյեդ Ալի Սադրիին։