Իրանի և Հնդկաստանի ռազմածովային ուժերը համատեղ զորավարժություններ կանցկացնեն Պարսից ծոցում
Իրանի և Հնդկաստանի ռազմածովային ուժերը համատեղ զորավարժություններ կանցկացնեն Պարսից ծոցում՝ Իրանի Բենդեր Աբբաս նավահանգստի շրջանում։ Այս մասին հայտնում է Fars գործակալությունը։
Զորավարժություններին Հնդկաստանի կողմից կմասնակցի միայն «Տրիկանդ» ֆրեգատը, որը ուրբաթ օրը խարիսխ է գցել Բենդեր Աբաս նավահանգստում:
«Իրանի Ռազմածովային նավատորմի 1-ին շրջանի և Իսլամական Հանրապետությունում Հնդկաստանի ռազմական կցորդի պաշտոնական հանդիպման ժամանակ համատեղ զորավարժություններ են ծրագրվել Ռազմածովային նավատորմի նավերի և «Տրիկանդ» ֆրեգատի միջև»,-ասված է հաղորդագրության մեջ:
Նշվում է, որ հնդկական ֆրեգատի դիմավորման արարողության ժամանակ Իրանի ռազմական ղեկավարությունը՝ ի դեմս ՌԾՈւ-ի հրամանատարի, երաշխավորել է ռազմական կրթության ոլորտում Հնդկաստանի հետ համագործակցության զարգացումը։
