Ղալիբաֆ. ԱՄՆ-ն պնդում է, որ մենք բանակցենք առանց միջնորդի
Իրանի իսլամական խորհրդարանի նախագահը հայտարարել է. «Ամերիկացիներն ինչպես նախկինում, այնպես էլ հիմա, ցանկանում են, որ բանակցությունները տեղի ունենան առանց միջնորդի»:
Իրանի ռադիոհեռուստատեսության լրատվական գոծակալության հաղորդմամբ՝ այս մասին Մոհամմադ Բաղեր Ղալիբաֆը հայտարարել է ԻՀՊԿ հրամանատարների և պաշտոնյաների 24-րդ համաժողովում: Իրանի 13-րդ կառավարության աշխատանքի ընթացքում Իրանի և ԱՄՆ-ի միջև ուղղակի բանակցությունների մասին լուրն առաջին անգամը չէ, որ բարձրացվում է:
Իրանի խորհրդարանի Ազգային անվտանգության և արտաքին քաղաքականության հանձնաժողովի անդամն օրերս հայտարարել է Իրանի և ԱՄՆ-ի միջև բանակցությունների մասին, որոնք «որոշակի արդյունք են ունեցել»։
Ֆադահոսեյն Մալեքին ասել է.«Եթե խոսքը վերաբերվում է կոնկրետ հարցի, բանակցությունները տեղի են ունենում երրորդ կողմի միջնորդությամբ։ Առանց միջնորդների բանակցությունները պաշտոնական չեն, բայց եթե լինում է անհրաժեշտություն, դրանք նույնպես տեղի են ունենում»:
