Պլանավորվում է Իրանի նախագահի այցը Սաուդյան Արաբիա
Իրանի արտաքին գործերի նախարարության խոսնակ՝ Նասեր Քանանին երկուշաբթի օրը ասել է. «Իրանի արտգործնախարար Ամիր Աբդոլլահյանի և Սաուդյան Արաբիայի գահաժառանգ Բին Սալմանի միջև կայացած բանակցությունները եղել են բազմազան, մանրամասն և արդյունավետ, և այդ բանակցությունները կարող են նոր հորիզոններ բացել Իրանի և Սաուդյան Արաբիայի երկկողմ հարաբերությունների գործընթացում»:
Քանանին հավելել է, որ նախագահի Սաուդյան Արաբիա մեկնելու համար անհրաժեշտ նախապատրաստական աշխատանքներ են կատարվել, և նախագահական կառույցը կհայտարարի մանրամասները։
Վերջերս Իրանի արտաքին գործերի նախարար Հոսեյն Ամիր Աբդոլլահյանը Ջիդայում Սաուդյան Արաբիայի գահաժառանգի հետ հանդիպումից հետո լրագրողներին ասել էր. «Սալման թագավորը հրավիրել է նախագահ Ռայիսիին, և նա ընդունել է հրավերը և ասել, որ այցը կկատարվի հարմար ժամանակ։ Իրանը ևս հրավիրել է Մոհամմադ Բին Սալմանին: Վերջինս նույնպես ընդունել է հրավերը և ասել, որ ինքը նույնպես հարմար ժամանակ կայցելի Թեհրան»:
Իրանի արտգործնախարարության խոսնակը նաև ասել է. -«Իրանի նավթ պարունակող լցանավի բեռնաթափման մասին հաստատված տեղեկություն չկա, իսկ ԱՄՆ կառավարությունը դիրքորոշում չի հայտնել»։
Քանանին հավելել է. «Կա ընդհանուր սկզբունք, որին տեղյակ են նաև ԱՄՆ-ի կառավարության պաշտոնյաները: Նրանք քաջ գիտեն,որ արդեն անցնել են այն ժամանակները ,որ ցանկացած գործողության դիմեն ու պատասխանատվություն չկրեն, և Իսլամական Հանրապետությունը որևէ ագրեսիայի դիմաց ձեռքերը ծալած չի նստելու և համարժեք պատասխան կտա ագրեսորներին»:
Իրանի արտաքին գործերի նախարարության խոսնակն ասել է. «Իրանի և ԱՄՆ-ի միջև երկխոսություններն անուղղակի են և ուղղված են միայն բանտարկյալների ազատ արձակմանը և Իրանի Իսլամական Հանրապետության արգելափակված ակտիվների ապասառեցմանը: Պատժամիջոցների վերացման շուրջ բանակցությունների համար ևս անուղղակի երկխոսություն է տեղի ունենում»:
Քանանին ընդգծել է. -«ՄԱԿ-ի ամենամյա նիստի շրջանակներում կամ որևէ այլ ժամանակում ու վայրում ուղղակի բանակցությունների ծրագիր չկա»։