Ամիր Աբդոլլահյանն ընդգծել է Հայաստանի և Ադրբեջանի միջև հրադադարի համաձայնագրի պահպանման անհրաժեշտությունը
ԻՌՆԱ-ի հաղորդմամբ՝ ԻԻՀ ԱԳ նախարար Հոսեյն Ամիր Աբդոլլահյանը, ով Իրանի նախագահի հետ ՄԱԿ-ի ԳԱ նիստին մասնակցելու նպատակով մեկնել է Նյու Յորք, կիրակի օրը թվիթերյան գրառմամբ հայտնել է ՀՀ ԱԳ նախարար Արարատ Միրզոյանի հետ հանդիպման մասին։
Աբդոլլահյանը գրել է. «Հանդիպմանն ընդգծվել է հրադադարի համաձայնագրի պայմանները կատարելու և հարցերը երկխոսության միջոցով լուծելու անհրաժեշտությունը»։
Իրանի դիվանագիտական ծառայության ղեկավարը հայտարարել է. «Իրանը Ղարաբաղը համարում է Ադրբեջանի մաս, սակայն ընդգծում է, որ տարաձայնությունները պետք է լուծվեն քաղաքական ճանապարհով և երկխոսության միջոցով»։
Բաքուն հայտարարել է, որ «հակաահաբեկչական» գործողություն է սկսել այս տարածաշրջանում և ցանկանում է, որ հայկական զինուժը դուրս բերվի Ղարաբաղից։ Հայաստանը հայտարարել է, որ ուժեր չունի Լեռնային Ղարաբաղում և Բաքվի գործողությունն անվանել է «զանգվածային ագրեսիա»։