ԵՄ. Ամիր Աբդոլլահայանի և Բորելի հանդիպումը շատ կարևոր էր

Եվրահանձնաժողովի գլխավոր խոսնակը շատ կարևոր է որակել ԵՄ արտաքին քաղաքականության պատասխանատու Ժոզեպ Բորելի և Իրանի ԱԳ նախարար Հոսեյն Ամիր Աբդոլլահյանի հանդիպումը։

ԻՌՆԱ-ի հաղորդմամբ՝ Բրյուսելում լրագրողների հետ ճեպազրույցում, Փիթեր Ստանոն հայտարարել է, որ հանդիպման ընթացքում քննարկվել են պատժամիջոցների վերացման, մարդու իրավունքների և ուկրաինական պատերազմում Ռուսաստանին Իրանի ենթադրյալ աջակցության հարցերը։

Նա հավելել է. «Բորելն այս հանդիպումն օգտագործել է Եվրամիության ուղերձը փոխանցելու և Իրանին խնդրելու գործել այնպես, ինչպես ակնկալում է միությունը»: Նա նշել է. «Դիվանագիտությունը երկար գործընթաց է, և մեկ հանդիպումը չի լուծում բոլոր խնդիրները»: