Ռայիսի. Սիոնիստական ռեժիմի հետ հարաբերությունների կարգավորումը հետընթաց է
Իրանի Իսլամական Հանրապետության նախագահը նշելով, որ սեղանից հանվել է հանձնվելու և զիջման գնալու տարբերակը, ասել է,-«Սիոնիստական ռեժիմի հետ հարաբերությունների կարգավորումը հետընթաց է»: Այս մասին հաղորդում է ԻՌՆԱ լրատվական գործակալությունը:
Թեհրանում Իսլամական միասնության 37-րդ միջազգային համաժողովի բացման ելույթում, Իրանի Իսլամական Հանրապետության նախագահ Սեյյեդ Էբրահիմ Ռայիսին ասել է, որ այսօրվա միասնությունը նշանակում է ոչ թե կրոնների կամ աշխարհագրության միասնություն, այլ միասնություն և համախմբվածություն է հանուն իսլամական ումմայի շահերի պաշտպանման:
Ռայիսին ընդգծելով, որ Սրբազան Ղոդսի և Պաղեստինի ազատագրմանը ուշադրություն դարձնելն իսլամական ումմայի միասնության ամենակարեւոր ցուցանիշն է, ասել է,-«Սիոնիստական ռեժիմի հետ հարաբերությունների կարգավորումը յուրաքանչյուր պետության համար հեդադիմություն ու հետընթաց է»:
Նշելով,որ Իսլամական միասնության միջազգային համաժողովը հակասիոնիստական և հակաիմպերիալիստական հանդիպում է, Ռայիսին հավելել է,«Այսօրվա միասնության ռազմավարությունը կարող է ուժեղացնել իսլամական ումմային թշնամու դեմ, և թշնամու հիբրիդային պատերազմի դեմ միակ լուծման ելքը միասնությունն ու համախմբվածությունն է»:
Նշենք,որ «Իսլամական համագործակցությունը ընդհանուր արժեքների հասնելու համար» թեմայով Իսլամական միասնության 37-րդ միջազգային համաժողովն անցկացվում է սեպտեմբերի 28-ից հոկտեմբերի 3-ը դեմ առ դեմ և վեբինար ձևաչափերով։