Անցած օրերին մի քանի ահաբեկչական գործողություններ են բացահայտվել.Իրանի հետախուզության նախարար
Իրանի հետախուզության նախարարը հայտնելով անցած օրերին մի քանի ահաբեկչական գործողությունների բացահայտման մասին,ասել է.-«Սեպտեմբերի 30-ի ընթացքում թշնամիները փորձում էին ահաբեկչական գործողություններ իրականացնել»։
Ինչպես հաղորդում է ԻՌՆԱ լրատվական գործակալությունը, Իրանի հետախուզության նախարար Սեյեդ Էսմայիլ Խաթիբն ասել է,-«Անցած օրերին ժողովուրդը հաղթահարեց թշնամիների դավադրություններն ու անկարգությունները, ովքեր ծրագրել էին երկրում շարունակել հիբրիդային պատերազմը:Այս կարևոր հաջողությունը պարտական ենք ժողովրդի ասպարեզում ներկայությանը և Գերագույն առաջնորդի ղեկավարությանը»։
Անդրադառնալով վերջին մեկ-երկու ամիսներին թշնամիների ծրագրերին դիմակայելու նպատակով տեղի ունեցած որոշ իրադարձություններին ու միջադեպերին՝ ԻԻՀ հետախուզության նախարար՝ Սեյեդ Էսմայիլ Խաթիբը հավելել է,-«Անցյալ տարի թշնամին օգտագործեց իր բոլոր հնարավորությունները Իսլամական Հանրապետության դեմ համաշխարհային կոնսենսուս ստեղծելու համար: Ավելի քան 50 հետախուզական ծառայություններ անցած տարի համագործակցել են միմյանց հետ, ավելի քան 200 լրատվամիջոցներ ուղղակիորեն և շարունակաբար ակտիվ աշխատանք են տարել այս ոլորտում: Թշնամին ուժեղացրել է պատժամիջոցներն ու համակողմանի ճնշումները»։
Նշելով, որ երկրի ներսում չարամետ և ահաբեկչական շարժումներ ստեղծելը թշնամիների ռազմավարություններից է՝ երկրում անկայունություն և անապահովություն ստեղծելու նպատակով, Խաթիբը հավելել է,-«Եվրոպան, Դանիան, Նիդերլանդները, Գերմանիան, ԱՄՆ-ն և Սիոնիստական ռեժիմը շարունակաբար ներգրավված էին այդ գործողություններում: Նրանք բազմաթիվ ջանքեր գործադրեցին այդ ուղղությամբ, որոնք ձախողվեցին»։
2022 թվականի սեպտեմբերի վերջին Իրանի որոշ շրջաններ ականատես եղան անկարգությունների, որոնց տարածման մեջ առաջին իսկ օրերին ակնհայտ էր որոշ արևմտյան լրատվամիջոցների և կառավարությունների դերը։
Չնայած արևմտյան լրատվամիջոցների կողմից տարածված լայնածավալ քարոզչությանը և ստերին, Իրանի ժողովրդի մեծ ներկայության շնորհիվ արագ վերջ գտան անկարգություններն ու խռովությունները: