Մեկնաբանություն- Իրանի իսլամական հեղափոխության մեծարգո առաջնորդի հայեցակետը. Երբ ճնշում եք, սպասեք փոթորկի
Իրանի իսլամական հեղափոխության գերագույն առաջնորդն , անդրադառնալով Պաղեստինի երիտասարդության օրերս կերտած սխրանքի արդյունքում Սիոնիստական ռեժիմի «անուղղելի» ձախողմանը, ընդգծել է.-«Այս ավերիչ փոթորկի պատճառը Պաղեստինի ժողովրդի դեմ կեղծ օկուպանտ ռեժիմի շարունակական վայրագությունն ու հանցագործությունն է եղել, և այս ռեժիմը չի կարող ստելով և ճնշվածի դերում հանդես գալով թաքցնել իր հրեշավոր և սատանաբարո դեմքը Գազայի վրա հարձակվելու և նրա ժողովրդին կոտորելու ժամանակ»:
Երեքշաբթի առավոտյան, Իրանի Իսլամական հեղափոխության մեծարգո առաջնորդ և ԶՈՒ-ի գերագույն գլխավոր հրամանատար՝ այաթոլլահ Խամենեին զինված ուժերի սպայական համալսարանների շրջանավարտների հանդիսավոր արարողության ժամանակ ունեցած ելույթում, անդրադառնալով օրերս տեղի ունեցող դեպքերում ոչ պաղեստինցիների , այդ թվում Իրանի ներգրավվածության մասին Սիոնիստական ռեժիմի որոշ անձանց և նրանց հովանավորների անհեթեթ հայտարարություններին ընդգծել է,-«Իհարկե մենք համբուրում ենք պաղեստինցի երիտասարդների և այս գործողության հնարամիտ ու խելացի նախագծողների ճակատն ու բազուկը, և հպարտանում ենք նրանցով, բայց նրանք, ովքեր անհեթեթ հայտարարություններ անելով, ասում են, որ այս վերջին սխրագործությունը ոչ-պաղեստինցիների գործն է, սխալ հաշվարկ են արել և փաստորեն Պաղեստինի մեծ ժողովրդին չեն ճանաչում ու նրանց թերագնահատում են»:
«Ալ-Աղսայի փոթորիկը» հաջող գործողությունից հետո, որը պաղեստինյան դիմադրության ուժերը, ՀԱՄԱՍ շարժման գլխավորությամբ սկսեցին հոկտեմբերի 7-ին և փշրեցին Սիոնիստական ռեժիմի կանխարգելիչ ուժը, արևմտյան և սիոնիստական որոշ շրջանակներ փորձում են հետախուզական և անվտանգային այս խոշոր պարտությունը հատուցելու համար մեծացնել Դիմադրության ուժերի նկատմամբ Իրանի Իսլամական Հանրապետության աջակցության դերը և դրա ազդեցությունը պաղեստինցիների գործողության վրա։
Օրինակ, որոշ ամերիկացի սենատորներ, ինչպիսիք են Լինդսի Գրեհեմը և Թեդ Քրուզը, պնդում են, որ Իրանը կանգնած է այս հարձակման հետևում, կամ Wall Street Journal-ը մի զեկույցում, հղում անելով իրենց որոշ աղբյուրներին, պնդում է, որ Իրանը որոշ քանակությամբ սպառազինություն ուղարկելով և նման գործողություն նախագծելով, կուլիսներում ղեկավարում է գործողությունը:
Միևնույն ժամանակ, ԱՄՆ-ի դեմոկրատական կառավարությունը հայտարարել է, որ ՀԱՄԱՍ-ի կողմից Սիոնիստական ժամանակավոր ռեժիմի դեմ իրականացվող «Ալ-Աղսայի փոթորիկ» գործողությանն Իրանի մասնակցության որևէ նշան չկա»: Սպիտակ տան Ազգային անվտանգության խորհրդի մամուլի ծառայության ղեկավար Էիդրիեն Ուոթսոնը շաբաթ օրը տարածած հայտարարության մեջ՝ ի պատասխան հանրապետականների այն պնդումներին,թե Իրանն ԱՄՆ-ի կառավարության կողմից վերջերս ապասառեցված փողերով է ֆինանսավորել այդ հարձակումները, ասել է. -«Այդ գումարը բացարձակապես կապ չունի շաբաթ օրը տեղի ունեցած սարսափելի հարձակումների հետ, և հիմա ապատեղեկատվություն տարածելու ժամանակը չէ»։
Իրողությունն այն է, որ Իրանի Իսլամական Հանրապետության կողմից ինքնապաշտպանության և Ղոդսը բռնազավթած ռեժիմից իր տարածքները հետ ստանալու Պաղեստինի ժողովրդի օրինական իրավունքին ցուցաբերվող աջակցությունը մշտապես շարունակվել է, և բազմիցս ընդգծվել է այն: Այժմ Սիոնիստական ռեժիմը հայտնվել է պաղեստինյան Դիմադրության ուժերի հզորության ու վճռակամության առջև, որը տարածվել է ոչ միայն Գազայի հատվածում, այլեւ Հորդանան գետի արեւմտյան ափին:
Հետևաբար, Իրանի և «Ալ-Աղսայի փոթորիկը» կոչվող գործողության մեջ նրա դերի վերաբերյալ մեղադրանքներ ու հայտարարություններ անելն ավելի շատ քաղաքական տարբեր դրդապատճառներով կատարվող փորձ է՝ Սիոնիստական ռեժիմի ծանր ձախողումն արդարացնելու, այս ռեժիմին ճնշված ներկայացնելու և ամենակարևորը Արևուտքի կողմից սիոնիստ օկուպանտներին ցուցաբերվող աջակցության շարունակումը ապահովելու նպատակով:
Իսլամական հեղափոխության գերագույն առաջնորդը նշելով, որ Սիոնիստական ռեժիմը չի կարող անհեթեթ հայտարարություններով պաղեստինցի երիտասարդների խիզախությունը և նրանց խելացի պլանավորումը վերագրել ոչ պաղեստինցիներին ընդգծել է. -«Շաբաթ՝ հոկտեմբերի 7-ին Պաղեստինի քաջարի երիտասարդության սխրագործության օրվանից հետո, Սիոնիստական ռեժիմն այլևս նախկին Սիոնիստական ռեժիմը չէ, ....Այս մեծ աղետի պատճառը հենց սիոնիստների գործողություններն են , որովհետև երբ հատում եք վայրագության ու դաժանության սահմանը, պետք է սպասեք «փոթորկի»: