Իրանը և Սաուդյան Արաբիան որպես երկու առանցքային դերակատարներ պետք է աջակցեն Պաղեստինի ճնշված ժողովրդին. Ռայիսի
Իրանի Իսլամական Հանրապետության նախագահն ասել է. -«Իրանը և Սաուդյան Արաբիան որպես երկու առանցքային դերակատարներ, այս զգայուն ժամանակահատվածում պետք է աջակցեն Պաղեստինի մուսուլման ու ճնշված ժողովրդին»:Այս մասին հաղորդում է ԻՌՆԱ լրատվական գործակալությունը:
Իրանի Իսլամական Հանրապետության նախագահ Սեյեդ Էբրահիմ Ռայիսին չորեքշաբթի երեկոյան Սաուդյան Արաբիայի գահաժառանգ Մոհամմեդ բեն Սալմանի հետ հեռախոսազրույցում,նշելով,որ Իրանի Իսլամական Հանրապետությունը ելնելով իսլամական աշխարհի միասնության և բարիդրացիության սկզբունքից հավատում է Սաուդյան Արաբիայի հետ հարաբերությունների խորացմանն ու ամրապնդմանը, ասել է,-«Իրանը և Սաուդյան Արաբիան որպես երկու առանցքային դերակատարներ, այս զգայուն ժամանակահատվածում պետք է աջակցեն Պաղեստինի մուսուլման ու ճնշված ժողովրդին»:
Ընդգծելով Պաղեստինի ճնշված ժողովրդին պաշտպանելու իսլամական ումմայի պարտականությունը՝ Ռայիսին հստակեցրել է.-«Վերջին շրջանի լարվածությունների արմատը պետք է փնտրել Պաղեստինի ճնշված ժողովրդի նկատմամբ սիոնիստական ռասիստական ռեժիմի շարունակական ճնշումների և համակարգված խտրականության մեջ»:
Իրանի Իսլամական Հանրապետության նախագահը տարածաշրջանում տիրող իրավիճակը համարելով արևմտյան երկրների և նրանց գլխավորող ԱՄՆ-ի բազմիցս սխալ հաշվարկների արդյունք, հայտարարել է.-«Պաղեստինյան խնդրի՝ տարածաշրջանի գլխավոր հարցի միակ հիմնարար լուծումը այս երկրի ճնշված ժողովրդի արդար իրավունքների վերականգնմանը ուշադրություն դարձնելն է, որի հիման վրա և համաձայն Իրանի Իսլամական Հանրապետության առաջարկի, բոլոր պաղեստինցիներն իրենց ճակատագիրը կարող են որոշել ժողովրդավարական գործընթացում և ազատ ու արդար ընտրություններում»:
Սաուդյան Արաբիայի գահաժառանգ Մոհամմեդ բեն Սալմանը այս հեռախոսազրույցում, բարձր գնահատելով տարածաշրջանում կայունության ամրապնդմանն ուղղված երկու երկրների փոխադարձ ջանքերը, հատկապես հաշվի առնելով Պաղեստինի վերջին զարգացումները, ասել է.-«Իրանի և Արաբիայի երկկողմ հարաբերությունների վերականգնումը, համագործակցության գործընթացի սկիզբն է, և ուրախ եմ, որ այսօր լավ ջանքեր են գործադրվում երկուստեք հարաբերությունները վերականգնելու ուղղությամբ»։
Սաուդյան Արաբիայի գահաժառանգը Գազայում տեղի ունեցած վերջին իրադարձությունները որակել է ցավալի և վտանգավոր և ասել է,-« Այն, ինչ տեղի է ունենում պաղեստինցիների իրավունքների ոտնահարման հետ կապված, կարող է հանգեցնել անապահովության խորացմանը և աշխարհի այլ տարածաշրջաններ, այդ թվում՝ արևմտյան երկրներ տարածմանը»:
Բեն Սալմանը ընդգծել է. «Թեհրան-Ռիադ համագործակցությունը կարող է արդյունավետ դեր խաղալ հակամարտությունները որքան հնարավոր է շուտ դադարեցնելու և այնուհետև պաղեստինյան հիմնախնդիրն արմատապես կարգավորելուն ուղղված արդար լուծում գտնելու համար»:
