Իրանի և Կատարի արտգործնախարարները քննարկել են տարածաշրջանային կարևոր հարցեր

ԻԻՀ արտգործնախարար Աբբաս Արաղչին հեռախոսազրույց է ունեցել իր կատարցի գործընկեր շեյխ Մոհամմեդ բին Աբդուլռահման ալ Թանիի հետ, որի ընթացքում կողմերը մտքեր են փոխանակել տարածաշրջանային կարևոր հարցերի շուրջ, հաղորդել է IRNA-ն։

Նախարարները մտահոգություն են հայտնել Պաղեստինում և Լիբանանում ստեղծված իրավիճակի վերաբերյալ՝ Իսրայելի ռեժիմի կողմից հրադադարի համաձայնագրերի խախտումների, ինչպես նաև Գազայի և Լիբանանի վրա հարձակումների շարունակման և խաղաղ բնակիչների թիրախավորման պայմաններում։

Նրանք ընդգծել են միջազգային հանրության կողմից Իսրայելի վրա ճնշում գործադրելու անհրաժեշտությունը՝ իր պարտավորությունները լիովին կատարելու և ցեղասպանության, օկուպացիայի և էքսպանսիոնիզմի քաղաքականությունը դադարեցնելու համար։

Արաղչին և Ալ Թանին նաև քննարկել են Եմենում տեղի ունեցող վերջին զարգացումներն՝ ընդգծելով երկրի տարածքային ամբողջականության և միասնության պահպանման կարևորությունը։