Իրանը քննադատել է կոյուղաջրերն Արաքս գետ ուղղելու Հայաստանի գործողությունները

Իրանի ջրային հարցերի փոխնախարարը դատապարտել է Հայաստանի կողմից կոյուղաջրերն Արաքս գետ ուղղելու քայլը, դա որակելով անընդունելի և հակամարդկային քայլ:

Tasnim լրատվական գործակալության հաղորդմամբ՝ Արդաբիլ նահանգի հյուսիսում ջրամատակարարման և կոյուղու նախագծերի կարգավիճակի քննարկման նպատակով կայացած հանդիպման ժամանակ,  Մոհամմադ Ջավանախտը հայտարարել է. «Մենք չենք փորձում թաքցնել այս աղտոտվածությունը: Մենք համոզված ենք, որ կարևորելով խնդիրը,  պետք է կանխարգելիչ միջոցառումներ իրականացվեն ազգային և միջազգային մակարդակով, որպեսզի մարդկանց առողջությունը չվնասվի»։

Ջավանբախթը նշել է. «Այս խնդիրը լուծելու համար,  դիվանագիտության ճանապարհից բացի, Հայաստան կատարած այցերի ընթացքում, ԻԻՀ էներգետիկայի նախարարն ընդգծել է, որ Հայաստանի և հարևան երկրների ղեկավարները պետք է  ուշադրություն դարձնեն Արաքս գետի ջրի առողջությանը»։

Փոխնախարարը հավելել է. «Տարածաշրջանի բնակչության բացարձակ իրավունքն է հետամուտ լինել խնդրի լուծմանը, և կառավարությունը դա հանձնարարել է Շրջակա միջավայրի պահպանության կազմակերպությանը: Իսկ էներգետիկայի նախարարությունը իրականացնում է խմելու ոլորտում շարունակական մոնիտորինգ»:

Նրա խոսքով. «Պետք չէ կարծել, թե սա սովորական խնդիր է: Ավելի լավ է մարդկանց հոգսերը նվազեցնելու հետ մեկտեղ հստակ արտահայտել մտահոգություններն ու մտահոգությունները»։