Ամիր Աբդոլլահյան. Աշխարհն ականատես է Գազայի ժողովրդի դեմ Սիոնիստական ռեժիմի ոճրագործությանը
Իրանի Իսլամական Հանրապետության արտաքին գործերի նախարարը Հարավաֆրիկյան Հանրապետության արտաքին գործերի նախարարի հետ համատեղ ասուլիսում ընդգծել է. «Այսօր աշխարհն ականատես է Գազայի ժողովրդի դեմ սիոնիստական ապարտեիդ և մանկասպան ռեժիմի հանցագործություններին»:
Հարավաֆրիկյան Հանրապետության արտաքին գործերի նախարար Նալդի Պանդորը, ով այսօր (կիրակի) գլխավորելով մի պատվիրակություն ժամանել է Թեհրան, հանդիպում և զրույց է ունեցել Իրանի արտգործնախարար Հոսեյն Ամիր Աբդոլլահյանի հետ։
Այս հանդիպումից հետո երկու կողմերը մասնակցեցին համատեղ մամուլի ասուլիսին, որտեղ Ամիր Աբդոլլահյանն ասաց. «Այսօր, բացի երկկողմ հարցերից, մենք քննարկել ենք նաև Գազայի հարցերն ու զարգացումները, և շնորհակալություն ենք հայտնում Հարավային Աֆրիկայան հանրապետությանը՝ Պաղեստինի ժողովրդին պաշտպանելու և Սիոնիստական ռեժիմի ապարտեիդի դեմ պայքարում իր որդեգրած դիրքորոշման համար»:
Իրանի ԱԳ նախարարն այս հանդիպման ժամանակ ասել է. «Հարավային Աֆրիկայի նախագահի հրավերով Իրանի նախագահ Սեյեդ Էբրահիմ Ռայիսին կայցելի Հարավային Աֆրիկա, և այս այցի ընթացքում նախագահների կողմից կստորագրվեն երկու կողմերի կառույցների միջև համաձայնեցված վերջին փաստաթղթերը»։
Անդրադառնալով օկուպացված տարածքներում տեղի ունեցող զարգացումներին՝ Ամիր Աբդոլլահյանն ասել է. «ԱՄՆ նախագահ Ջո Բայդենը շտապում է Թել Ավիվ և պաշտպանում է ռեժիմը, որը թիրախավորում է խաղաղ բնակիչները, հիվանդանոցներն ու բնակելի կենտրոնները և պաշտոնապես հայտարարում է, որ հարյուրավոր ինքնաթիռներ է գործուղելու Գազայի ժողովրդին սպանելու համար, իսկ զավեշտալի նախադասությամբ ասում է՝ քսան բեռնատար կուղարկենք Գազա մարդասիրական օգնության համար»:
Իրանի արտաքին գործերի նախարարը մատնանշեց. «Ամերիկան այսօր միջնորդավորված պատերազմի մեջ է մտել Գազայի ժողովրդի դեմ, և պետք է ասել, որ այսօր տարածաշրջանը վառոդի տակառ է, և ցանկացած սխալ հաշվարկ, ցեղասպանություն և Գազայի հատվածի ժողովրդի բռնի տեղահանում կարող է հետևանքներ ունենալ ինչպես տարածաշրջանի, այնպես էլ պատերազմ հրահրողների համար»:
Ամիր Աբդոլլահյանն ընդգծել է. «Մենք զգուշացնում ենք Ամերիկային և Սիոնիստական ռեժիմին, որ եթե նրանք անհապաղ չդադարեցնեն մարդկության դեմ իրականացված հանցագործությունը Գազայում, ցանկացած պահի հավանական է, տարածաշրջանը վերահոսկողությունից դուրս գա, և ծուխը հասնի պատերազմ հրահրողների աչքին»:
Հարավաֆրիկյան Հանրապետության արտաքին գործերի նախարարն այս հանդիպմանն ասել է.«Պաղեստինցիները զրկվել են մարդու իրավունքներից, և նրանց հողերը օկուպացվել են»:
