Պաղեստինի «Իսլամական ջիհադ» շարժման ներկայացուցիչ. Իրանը Գազայի ժողովրդի և աշխարհի ճնշվածների միակ աջակիցն է

Իրանում Պաղեստինի «Իսլամական ջիհադ» շարժման ներկայացուցիչը քննադատելով արեւմտյան երկրների լռությունը՝ Գազայի հատվածում Պաղեստինի ժողովրդի դեմ Սիոնիստական ​​ռեժիմի պատերազմի նկատմամբ, Իրանի Իսլամական Հանրապետությանը համարել է աշխարհում ճնշվածների միակ աջակիցը։

Իրանում Պաղեստինի «Իսլամական ջիհադ» շարժման  ներկայացուցիչ Նասեր Աբու Շարիֆը «Սիրո ժամ 1:20» ցուցահանդեսի բացման արարողության ժամանակ հավելել է,որ աշխարհը հասկացել  ու ճանաչել է  միջազգային շրջանակների և  ԱՄՆ-ի ու Իսրայելի հիմնական բնույթը և նրանց հակամարդկային  նպատակները։
Աբու Շարիֆն ասել է. -«Ամերիկացիները պատրաստ են տարբեր պատրվակներով խռովություններ առաջացնել  այլ երկրներում՝ քաղաքացիական պատերազմներ հրահրելու նպատակով, քանի որ նրանք չեն հավատում իրենց խոսքերին և չեն հարգում մարդու իրավունքները»։

Անդրադառնալով Գազայի հատվածում իսրայելական պատերազմի 32 հազար նահատակներին և անհայտ կորածներին՝ Իրանում Պաղեստինի «Իսլամական ջիհադ» շարժման ներկայացուցիչն ասել է,-«Եթե նահատակների երկու երրորդը կանայք և երեխաներ են, ինչու՞ ամերիկացիները չեն պաշտպանում  այդ կանանց ու երեխաներին և  ոչինչ չեն ասում նրանց մասին»։

Աբու Շարիֆն ընդգծել է.-«Ամերիկացիները մարդու իրավունքների կոչեր են անում, բայց լռում են Պաղեստինի ժողովրդի սպանության նկատմամբ, իսկ Գազան և Պաղեստինը շարունակում են դիմադրել, և միայն Իրանն է ուղեկցում ճնշվածներին այս դիմադրության ընթացքում և կանգնած է  իմպերիալիզմի դեմ»։
Կիրակի օրը   Պաղեստինի  «Իսլամական ջիհադ» շարժման  ներկայացուցչի և  երկրի մի շարք պաշտոնյաների  ու արտասահմանցի հյուրերի ներկայությամբ   Թեհրանում գտնվող  Իսլամական հեղափոխության և սրբազան պաշտպանության ազգային թանգարանում տեղի է ունեցել «Սիրո ժամ 1:20» 12000 հոգանոց միջոցառման բացման արարողությունը,որը նվիրված է Իսլամական հեղափոխության պահապանների  կորպուսի «Ղոդս» ստորաբաժանման նախկին հրամանատար, գեներալ Ղասեմ Սոլեյմանիի նահատակության չորրորդ տարելիցին։