Վաղը տեղի կունենա Քերմանի ահաբեկչական հանցագործության նահատակների հուղարկավորությունը
Իրանի հարավում գտնվող Քերման քաղաքի նահատակների բուրաստանում տեղի ունեցած ահաբեկչական հանցագործության նահատակների մարմինները կհուղարկավորվեն վաղը հունվարի 5-ին։
Երեկ հունվարի 3-ին Իրանի ԻՀՊԿ «Ղոդս» ստորաբաժանման հրամանատար գեներալ Սոլեյմանիի նահատակության չորրորդ տարելիցին Իրանի հարավում գտնվող Քերման քաղաքի նահատակների բուրաստան տանող ճանապարհին տեղի է ունեցել երկու ահաբեկչական պայթյուն,որոնց հետևանքով նահատակվել են արարողությանը մասնակցած ուխտավորներ։
Իրանի կառավարությունը հինգշաբթի օրը սուգ է հայտարարել։
Քերմանի նահանգապետ Մոհամմադ Մեհդի Ֆադաքարը Քերմանում Tasnim-ի թղթակցի հետ զրույցում ասել է.-« Մինչ այս պահը Քերմանի նահատակների բուրաստան տանող ճանապարհին տեղի ունեցած ահաբեկչական պայթյուններից տուժածների և նահատակների վերջնական վիճակագրության համաձայն՝ կան 84 նահատակ և 284 վիրավոր,և նահատակների մեծ մասը Քերմանից են» ։
Նշելով,որ 284 վիրավորներից 30-ի դուրս են գրվել հիվանդանոցներից, Քերմանի նահանգապետն ասել է.«Մնացած վիրավորները գտնվում են հիվանդանոցներում, և իհարկե նրանցից ոմանց վիճակը ծանր է»։
Իրանի ներքին գործերի նախարար Ահմադ Վահիդին հինգշաբթի առավոտյան Քերմանի Շահիդ Բահոնար հիվանդանոցում ահաբեկչական պայթյուններից տուժածներին այցելելուց հետո ասել է,-« Ահաբեկիչները, և նրանց աջակիցները պետք է վախենան Իրանի ժողովրդի զայրույթից։ Նրանք ամուր ապտակ են ստանալու»։
Իրանի գլխավոր դատախազ Հոջաթ-օլ-էսլամ Վալ-Մոսլեմին Մովահեդին Քերմանի նահանգի դատախազի հետ հեռախոսազրույցում հրամայել է անհապաղ հետաքննել և բացահայտել այս հանցագործությունների և Քերմանի նահատակների բուրաստանում տեղի ունեցած ահաբեկչության հեղինակներին:
Իրանի գլխավոր դատախազը այս ահաբեկչական գործողությունը դիտել է որպես Իսլամական Իրանի թշնամիների թուլության, անկարողության և հաջորդական պարտությունների նշան և ասել.- « ԱՄՆ-ի և Սիոնիստական ռեժիմի գլխավորությամբ համաշխարհային իմպերիալիզմը հասել է փլուզման ու մեկուսացման այնպիսի աստիճանի,որ նույնիսկ վախենում է նահատակ Հաջ Ղասեմ Սոլեյմանիի ուխտավորներից»։
Իրանի գլխավոր դատախազը հավելել է.- «Իրանի թշնամիները պետք է իմանան, որ այս երկրի մեծ ժողովուրդը շարունակում է մնալ տարածաշրջանում դիմադրության շարժման հիմնական աջակիցը և դաժան վրեժ է լուծելու այս վախկոտ ահաբեկչության հեղինակներից և նրանց աջակիցներից»։