Դատական իշխանության միջազգային հարցերով տեղակալ. Գեներալ Սոլեյմանին բարձրացրեց Իրանի ռազմավարական դիրքը տարածաշրջանում
Իրանի դատական իշխանության միջազգային հարցերով տեղակալն ասել է. -«Նահատակ գեներալ Ղասեմ Սոլեյմանին իր գործողություններով բարձրացրել է Իրանի ռազմավարական դիրքը տարածաշրջանում»։
Իրանի դատական իշխանության միջազգային հարցերով տեղակալ Քազեմ Ղարիբ Աբադին կիրակի օրը «Ճակատամարտի հերոսը, մարդու իրավունքները» թեմայով համաժողովում ասել է,-«Նահատակ Սոլեյմանին տարածաշրջանում մեծ ռազմական ստրատեգ էր, և Դիմադրության առանցքը պարտական է այս բարձրաստիճան նահատակին»։
Իրանի դատական իշխանության միջազգային հարցերով տեղակալը հայտարարելով, որ գեներալ Սոլեյմանին լայնածավալ ծառայություններ է մատուցել Իրանին և տարածաշրջանին և Ահլ ալ-Բեյթի՝ (Իսլամի մարգարեի գերդաստանի) հետևորդներին, հստակեցրել է,-«Գեներալ Սոլեյմանիին սպանելու ամերիկացիների գործողությունը, ՄԱԿ-ի կանոնադրության բոլոր կանոնների խախտում է»։
Ղարիբ Աբադին հավելել է,-«Իրանի համակարգում, Իրաքի տարածքում, և միջազգային մասշտաբով նախագծվել են դատական հետապնդման երեք ուղիներ, և Արդարադատության միջազգային դատարանը պետք է հետամուտ լինի այս գործին»։
Իրանի մարդու իրավունքների շտաբի քարտուղարն ընդգծել է,-«Իրաքում Դիմադրության հրամանատարների սպանության գործով հետաքննությունը շարունակվում է, և Իրանի Իսլամական Հանրապետության ցանկություններից մեկն այն է, որ հնարավորինս շուտ ավարտվի այս հետաքննությունը, որպեսզի մեղադրական եզրակացությունը ներկայացվի միջազգային ատյաններ և շուտով դատավարություն իրականացվի»։
Իսլամական հեղափոխության պահապանների կորպուսի «Ղոդս» ստորաբաժանման նախկին հրամանատար՝ գեներալ Ղասեմ Սոլեյմանին, 2020 թվականի հունվարի 3-ին, երբ Իրաք էր այցելել այդ երկրի իշխանությունների պաշտոնական հրավերով, Բաղդադի օդանավակայանում ամերիկյան ագրեսոր և ահաբեկչական ուժերի օդային հարձակման հետևանքով նահատակվեց։
Այդ հարձակման հետևանքով նահատակվեցին նաև Իրաքի ժողովրդական ուժերի փոխհրամանատար՝ Աբու Մահդի ալ-Մուհանդեսը և նրա 8 ուղեկիցները։